Ailə, Qadın və Uşaq Problemləri üzrə Dövlət Komitəsinin sədri aran bölgəsində yaşayan vətəndaşlarla görüşmüşdür

Aprelin 10-da Ailə, Qadın və Uşaq Problemləri üzrə Dövlət Komitəsinin sədri Hicran Hüseynova Şirvan şəhərindəki mədəniyyət evində Şirvan şəhərinin, Sabirabad, Salyan, Saatlı, Biləsuvar, Neftçala və Hacıqabul rayonlarının sakinləri ilə görüşmüşdür.

AzərTAc xəbər verir ki, görüşdə iştirak edən vətəndaşların müraciətləri əsasən qüsurlu və xəstə uşaqların xarici ölkələrdə dövlət vəsaiti hesabına müalicə olunması, əlil arabalarının, sosial yardımın alınmasına kömək göstərilməsi, yeni doğulmuş və xəstə uşaqların təqaüd və müavinətlərinin artırılması, aliment məsələləri, qadınlara qarşı zorakılıq, iş, mənzil və s. məsələlərlə bağlı olmuşdur.

Görüş zamanı vətəndaşları narahat edən məsələlərin bir neçəsi yerindəcə həll olunmuş, digər müraciətlər isə müvafiq qurumlara çatdırılmaq üçün qeydə alınmışdır.

Azərbaycan.- 2013.- 11 aprel.- S. 5.