Yan KUBİŞ: Bakıda keçirilən Moskva Dövlət Beynəlxalq Münasibətlər İnstitutu məzunlarının I Ümumdünya Forumu çərçivəsində mühüm məsələlər müzakirə edilmişdir

Bakıda keçirilən Moskva Dövlət Beynəlxalq Münasibətlər İnstitutu məzunlarının I Ümumdünya Forumu çərçivəsində mühüm məsələlər müzakirə edilmişdir. AzərTAc xəbər verir ki, bu sözləri BMT baş katibinin Əfqanıstan üzrə xüsusi nümayəndəsi, təşkilatın Əfqanıstandakı missiyasının rəhbəri Yan Kubiş jurnalistlərə demişdir.

Forumun yüksək səviyyədə təşkilinə görə Azərbaycan Respublikasının Prezidenti İlham Əliyevə təşəkkürünü bildirən Y.Kubiş Azərbaycan ilə əməkdaşlığa hər zaman hazır olduğunu demişdir. Ümumdünya forumunda həlli vacib olan bir çox məsələlərin əksini tapdığını qeyd edən qonaq bu tədbir çərçivəsində biznes və ya digər sahələr üzrə mütəxəssislərin özlərinə dəyərli tərəfdaşlar əldə edəcəklərinə əminliyini bildirmişdir.

Forumda Əfqanıstanın şəraiti ilə bağlı, onun yenidən qurulması istiqamətində mühüm müzakirələrin aparıldığını deyən Y.Kubiş bu ölkədə aparılacaq tikinti işlərinə və maliyyə məsələlərinə dəstək olacaq şəxslərin tapıldığını da bildirmişdir.

Azərbaycan.-2013.- 13 aprel.- S.7.