Nquen Fionq NQA: Moskva Dövlət Beynəlxalq Münasibətlər İnstitutu məzunlarının I Ümumdünya Forumu çərçivəsində Bakıya bir çox nüfuzlu nümayəndələr gəlmişdir

Moskva Dövlət Beynəlxalq Münasibətlər İnstitutu (MDBMİ) məzunlarının I Ümumdünya Forumu çərçivəsində Bakıya bir çox nüfuzlu nümayəndələr gəlmişdir.

AzərTAc xəbər verir ki, bu sözləri Vyetnamın xarici işlər nazirinin müavini xanım Nquen Fionq Nqa demişdir.

Forumun yüksək səviyyədə təşkilinə görə Azərbaycan Respublikasının Prezidenti İlham Əliyevə minnətdarlığını bildirən vyetnamlı qonaq MDBMİ-nin "Beynəlxalq jurnalistika" fakültəsinin məzunu olduğunu və bununla fəxr etdiyini demişdir.

Bakıya ilk dəfə səfər etdiyini bildirən nazir müavini vurğulamışdır ki, Azərbaycan xalqının qonaqpərvərliyi və istiqanlılığı məni valeh etmişdir.

N.Nqa Azərbaycanda son illərdə iqtisadiyyatın bir çox sahələrində həyata keçirilmiş uğurlu layihələri yüksək qiymətləndirmişdir.

Azərbaycan.-2013.- 13 aprel.- S.7.