Mixail ŞVIDKOY: «MDBMİ məzunlarının Bakıda keçirilmiş Ümumdünya qurultayının bütün iştirakçıları görüşün təşkilinə heyran olmuşlar»

Rusiya Federasiyası Prezidentinin beynəlxalq mədəni əməkdaşlıq üzrə xüsusi nümayəndəsi Mixail Şvıdkoy AzərTAc-ın müxbiri ilə müsahibəsində MDBMİ məzunlarının birinci Ümumdünya qurultayının yekunlarını şərh edərək demişdir ki, bütün iştirakçılar görüşün təşkilinə heyran olmuşlar. M.Şvıdkoy demişdir: "Mən MDBMİ-nin məzunlarından biri olan Azərbaycan Prezidenti İlham Əliyevin təşəbbüsü ilə keçirilmiş toplanışın iştirakçıları MDBMİ-nin professoru Yuri Kobaladze ilə, MDBMİ-nin rektoru Anatoli Torkunovla görüşdüm. Onlar öz təəssüratlarını bölüşdülər. Prezident İlham Əliyev onlarla çox vaxt keçirdi və qonaqlar bunu yüksək qiymətləndirirlər. Bu günlərdə Bakıda hökm sürən məhəbbət və tələbə qardaşlığı atmosferi, bir də əlbəttə ki, şəhərin özü və bu şəhərdə baş verənlər onlarda çox güclü təəssürat oyatmışdır".

Azərbaycan.-2013.- 16 aprel.- S.5.