Almaniya Azərbaycan ilə dialoqun və ənənəvi xoş münasibətlərin davam etdirilməsində maraqlıdır

İyulun 31-də Azərbaycan Respublikasının xarici işlər naziri Elmar Məmmədyarov Almaniya Federativ Respublikasının ölkəmizə yeni təyin olunmuş səfiri Haydrun Tempel ilə görüşmüşdür.

Xarici İşlər Nazirliyinin mətbuat xidmətindən AzərTAc-a bildirmişlər ki, nazir Elmar Məmmədyarov Haydrun Tempeli ölkəmizə səfir təyin olunması münasibətilə təbrik etmiş və ona gələcək fəaliyyətində uğurlar arzulamışdır.

Görüşdə Azərbaycan ilə Almaniya arasındakı ikitərəfli əlaqələrin inkişafından məmnunluq ifadə edilmişdir.

Nazir Elmar Məmmədyarov yeni təyin olunmuş səfirin iki ölkə arasındakı münasibətlərin daha da inkişafına töhfə verəcəyinə əminlik ifadə etmişdir.

Etimadnaməsinin surətini nazir Elmar Məmmədyarova təqdim edən Haydrun Tempel ölkəsinin Azərbaycan ilə dialoqun və ənənəvi xoş münasibətlərin davam etdirilməsində maraqlı olduğunu bildirmişdir. O, diplomatik fəaliyyəti müddətində ölkələrimiz arasındakı münasibətlərin genişləndirilməsi istiqamətində səylər göstərəcəyini diqqətə çatdırmışdır.

Azərbaycan.- 2013.- 1 avqust.- S. 5.