«Guardian»
qəzeti: Azərbaycanın dövlət xidmətləri üçün «bir pəncərə»
mərkəzi səmərəliliyi artırır
Böyük
Britaniyanın nüfuzlu "Guardian" qəzetində Azərbaycan Hüquqşünaslar Konfederasiyasının baş katibi Kamal Cəfərovun Azərbaycan
Respublikasının Prezidenti yanında Vətəndaşlara
Xidmət və Sosial İnnovasiyalar
üzrə Dövlət Agentliyi
haqqında "Azərbaycanın dövlət xidmətləri
üçün "bir
pəncərə"
mərkəzi səmərəliliyi artırır" sərlövhəli
geniş məqaləsi dərc olunmuşdur.
AzərTAc məqaləni təqdim
edir.
Azərbaycan kimi ölkələrdə "bir pəncərə" mərkəzlərinin
vətəndaşların xidmətləri əldə etməsinə
çox böyük
təsiri vardır.
Vətəndaşlar bu gün
hüquqlarını bilir, dövlət
xidmətləri ilə bağlı yüksək keyfiyyətli
məlumatlara çıxışları vardır və
özəl sektordan yüksək səviyyəli
xidmət almağa vərdiş etmişlər.
Ona görə də
onların dövlət xidmətlərinə olan
tələbləri də çox yüksəkdir
və inkişaf etməkdə olan ölkələr bu
ehtiyacları qarşılamaq üçün
çoxlu mühüm
və radikal islahatlar
həyata keçirmişlər.
"Bir pəncərə" mərkəzi modeli - vətəndaşların bir sıra dövlət xidmətlərini əldə
edə bildikləri belə mərkəzlər - İngiltərə,
Kanada və Gürcüstan
kimi ölkələrdə xidmətlərin
göstərilməsində səmərəliliyi artırmaq üçün tətbiq edilmişdir. Azərbaycan bir müddət əvvəl həmin modeli tətbiq etmişdir ki, bu da
vətəndaşların dövlət xidmətlərini əldə
etməsinə güclü təsir
göstərmişdir.
Azərbaycanın
xidmət və qiymətləndirmə şəbəkəsi
Keçən ilin iyulunda
Azərbaycan Prezidenti İlham Əliyev Vətəndaşlara Xidmət
və Sosial İnnovasiyalar üzrə
Dövlət Agentliyinin
yaradılması barədə
fərman imzalamışdır.
Məqsəd müasir texnologiyalardan
istifadə etməklə dövlət xidmətlərini vətəndaşlara
daha əlçatan etmək idi. Bunun bir hissəsini Azərbaycan Xidmət
və Qiymətləndirmə Şəbəkəsi (ASAN) təşkil
edir ki, onun da əsas hədəfləri
yüksək bacarıqları və motivasiyaları olan dövlət qulluqçuları tərəfindən
dövlət xidmətlərinin vahid məkanda
və əlaqələndirilmiş şəkildə göstərilməsi
təşkil edir. Mərkəzlərdə
bütün xidmətlər onlayn formada həyata keçirilir.
"ASAN" modelinin altı əsas prinsipləri
bunlardır: müştərini və onun
ehtiyaclarını diqqətdə saxlamaq,
hökumətlə əlaqəni təmin etmək,
bacarıqları artırmaq, ictimaiyyətə verilmiş
sözü tutmaq, innovasiya və korrupsiyaya
qarşı mübarizə aparmaq.
Müştərini
və onun ehtiyaclarını diqqətdə
saxlamaq
Müştərini və onun
ehtiyaclarını diqqətdə
saxlamaq vəzifəsi
çətin vəzifədir
və bu məqsədlə bir sıra tələblər
təmin edilməlidir.
İlk növbədə özünəməxsus
şərait, eləcə
də müştərinin
ehtiyacları nəzərə
alınmalıdır.
Bank hesablarının açılması, valyuta
mübadilə əməliyyatları,
cərimələr və
dövlət rüsumlarının
ödənilməsi üçün
bank xidmətləri, daşınmaz
əmlak, avtomobil sığortası, pulsuz hüquqi xidmət, tibbi xidmətlər və tərcümə xidmətləri bu mərkəzlərdə təmin
edilən pulsuz xidmətlərin bir hissəsidir.
Həmçinin bu mərkəzlərə gəlmə
imkanı olmayan vətəndaşlar üçün mobil ASAN
xidmətləri də fəaliyyət göstərir. Bu şəbəkənin digər müsbət
nəticələrindən biri də odur ki, 17-25 yaş arası könüllülər özləri
ərizə yaza bilməyən vətəndaşlara
bu işdə kömək edirlər.
"ASAN xidmət"in digər xüsusiyyəti odur ki, vətəndaş bir mərkəzə gəlməklə çox xidmətdən istifadə edə bilər.
Bacarıqların
artırılması
Özünün inteqrasiya edilmiş
yanaşması ilə bu şəbəkə
dövlət qurumlarının düşüncələrini və fəaliyyətlərini dəyişmişdir.
İrəliləyişlərin müşahidə edildiyi sahələr fəaliyyətin təkmilləşdirilməsi,
mərkəzlərinin yüksək səviyyəli idarə
edilməsi,
təşkilati struktur və idarəçilik
mədəniyyətidir.
İnsan resurslarının səmərəli
idarə edilməsi bu bacarıqların
gücləndirilməsinin ayrılmaz hissəsidir. Bu mərkəzlərdə çalışan
işçilərin orta yaş
həddi 18-35 arasıdır və yarıdan çoxunun
xaricdə təhsil təcrübəsi vardır.
Qısacası, "ASAN xidmət" mərkəzlərində
müvafiq bacarıqlara malik,
çox motivasiyalı, çevik
və dövlət xidmətlərini vətəndaşların
ehtiyaclarına uyğun yüksək
keyfiyyətlə təmin etməyə qabil
olan insanlar
çalışır. Bütün bu amillər Azərbaycanda dövlət xidmətlərinin
daha yaxşı olmasına təkan verir.
Elektron xidmətlər
"ASAN modeli", həmçinin xidmətlərin
təkmilləşdirilməsi və onların daha dayanıqlı olması üçün
innovativ yollar tapmışdır. Belə ki,
"ASAN xidmət" mərkəzlərində bütün ödənişlər onlayn, poçt məntəqələri
və ya "pay-poynt"lar vasitəsilə həyata keçirilir.
Xidmətlərin keyfiyyəti və sürəti
artmışdır, onların göstərilməsi daha səmərəli, qənaətli olmuşdur.
Bu mərkəzlərdə nağd formada ödənişlərin
olmaması da şəffaflığı
artırır və korrupsiya riskini azaldır. Bundan əlavə,
burada dövlət qurumları tərəfindən
göstərilən bütün xidmətlər
davamlı olaraq monitorinq
edilir və qiymətləndirilir.
Azərbaycan. - 2013.- 2 avqust.- S. 5.