«ASAN xidmət» Qəbələdə
Azərbaycan
Respublikasının Prezidenti İlham Əliyevin
tapşırığına əsasən, "ASAN xidmət"
mərkəzlərinin təsis edilmədiyi regionlardakı əhaliyə
xidmətlərin çatdırılması və mərkəzlərə
gəlmədən vətəndaşların xidmətlərdən
yararlanmalarının təmin edilməsi üçün
zəruri müasir texnoloji
avadanlıqlarla təchiz edilmiş irihəcmli
xüsusi avtobuslar səyyar
formada regionlarda əhaliyə
xidmətlər göstərməkdə davam
edirlər.
Artıq Quba şəhərində Quba,
Qusar və Xaçmaz,
Şirvan şəhərində Şirvan və Hacıqabul, Sabirabad
rayonunda Sabirabad və
Saatlı, Şamaxı şəhərində Şamaxı, Qobustan və Ağsu, Salyan rayonunda Salyan və Neftçala,
İsmayıllı rayonunda
İsmayıllı, Astara rayonunda
isə Astara rayonunun
sakinlərinə "ASAN Səyyar xidmət" göstərilmişdir.
Azərbaycan
Respublikasının Prezidenti yanında Vətəndaşlara Xidmət
və Sosial İnnovasiyalar
üzrə Dövlət Agentliyindən AzərTAc-a
bildirmişlər ki, avqustun 1-dən Qəbələ rayonunun ümumi sayı
100000-dən çox olan
sakini "ASAN Səyyar xidmət"dən
yararlanmağa başlamışdır.
Avqustun 15-dək davam edəcək səyyar xidmətlər Azərbaycan
Respublikasının Ədliyyə və Daxili
İşlər nazirlikləri, Dövlət Torpaq
və Xəritəçəkmə Komitəsi, Dövlət Sosial Müdafiə Fondu və
Əmlak Məsələləri Dövlət Komitəsi tərəfindən
təqdim olunur.
"ASAN Səyyar
xidmət"in həyata keçirilməsinin əsas məqsədləri
dövlət xidmətlərinin vətəndaşlara daha rahat, yeni
və innovativ üsullarla
təqdim edilməsi, vətəndaşlar üçün
əlçatanlığın təmin edilməsi və vətəndaş
məmnunluğuna nail olunmasıdır.
Azərbaycan. - 2013.- 3 avqust.- S. 4.