İnşaat sektorunda orta aylıq əməkhaqqı 600 manata yaxındır

Cari ilin yanvar-iyun aylarında inşaat bölməsində çalışmış işçilərin orta siyahı sayı əvvəlki ilin eyni dövrü ilə müqayisədə 14,5 faiz artaraq 95,7 min nəfər olmuşdur.

Dövlət Statistika Komitəsinin məlumatına görə, tikintidə çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 6,3 faiz artaraq 597,2 manat təşkil etmişdir.

Mülki təyinatlı inşaat işlərində işləyən işçilərin əməkhaqları 29,1, ixtisaslaşmış tikinti işlərində 7,1, binaların tikintisində isə 1,5 faiz artmışdır.

Azərbaycan. - 2013.- 3 avqust.- S. 5.