Azərbaycan Respublikası Prezidentinin seçkilərində seçki fondlarına vəsaitin daxil olması, xərclənməsi uçotunun aparılması və hesabatı
qaydaları haqqında TƏLİMAT
Razılaşdırılmışdır:
Azərbaycan Respublikası
Mərkəzi
Bankının sədri
____________
E.S.RÜSTƏMOV
Azərbaycan Respublikası
Mərkəzi Seçki
Komissiyasının 18 iyun 2013-cü il tarixli
6/39 saylı Qərarı
ilə təsdiq edilmişdir.
Mərkəzi Seçki Komissiyasının sədri
______________ M.M.PƏNAHOV
Bu Təlimat
Azərbaycan Respublikası Prezidentinin
seçkilərində seçki fonduna vəsaitin daxil
olması, xərclənməsi uçotunun
aparılması və hesabatı qaydalarını müəyyən
etmək məqsədilə Azərbaycan Respublikası Seçki Məcəlləsinin (bundan sonra - Seçki Məcəlləsi) 90-cı,
94-cü və 191-ci maddələrinə əsasən
hazırlanmışdır.
1. Ümumi
müddəalar
1.1. Azərbaycan
Respublikası Prezidentinin seçkilərində
seçki fondlarına (bundan
sonra - seçki fondu) vəsaitin daxil
olması, xərclənməsi uçotunun
aparılması və hesabatı qaydaları Seçki
Məcəlləsinin 90-cı, 94-cü, 191-ci maddələri,
"Banklar haqqında" Azərbaycan
Respublikasının Qanunu və bu Təlimatla
tənzimlənir.
1.2. Prezidentliyə namizədlərin,
qeydə alınmış namizədlərin (bundan
sonra - namizədlərin) fəaliyyətinin
maliyyələşdirilməsi üçün
seçki fondları yaradılır.
1.3. Namizədlərin seçki fondu məbləğinin
yuxarı həddi 10 milyon manatdan
çox ola bilməz.
2. Namizədlərin seçki fondunun mənbələri
2.1. Namizədlərin seçki fondu yalnız
aşağıdakı pul vəsaiti
hesabına formalaşır:
2.1.1. namizədin
özü tərəfindən 250 000 (iki yüz əlli min) manatdan çox olmamaq şərtilə xüsusi
vəsaiti (siyasi partiyalar,
siyasi partiyalar bloku tərəfindən irəli sürülən
prezidentliyə namizədlər üçün
bu xüsusi vəsait siyasi
partiyaların, siyasi partiyaların
bloklarını yaratmış siyasi
partiyaların
verdiyi vəsaitlər hesabına
formalaşır);
2.1.2. vətəndaşların
və hüquqi şəxslərin könüllü ianələri (vətəndaşların
köçürdüyü vəsait 3000
(üç min) manatdan, hüquqi şəxslərin
köçürdüyü vəsait 50
000 (əlli min) manatdan
çox ola bilməz).
2.2. Namizədlərin seçki fondlarına könüllü
ianə ayırmaq, yaxud natura
şəklində və ya xidmət
göstərilməsi yolu ilə yardım
etmək aşağıdakılara qadağan
edilir:
2.2.1. xarici
dövlətlərə və xarici hüquqi şəxslərə;
2.2.2. xarici vətəndaşlara;
2.2.3. vətəndaşlığı olmayan şəxslərə;
2.2.4. 18 yaşına
çatmamış vətəndaşlara;
2.2.5. seçkilərin təyin edilməsi
haqqında qərarın rəsmi dərc edildiyi
günə olan vəziyyətə görə
Azərbaycan Respublikasının hüquqi
şəxsinin nizamnamə kapitalında yuxarıda göstərilən
şəxslərin iştirak (mülkiyyət)
payı 30 faizdən çox olarsa, Azərbaycan Respublikasının hüquqi
şəxslərinə;
2.2.6. beynəlxalq təşkilatlara
və beynəlxalq ictimai hərəkatlara;
2.2.7. dövlət hakimiyyəti
orqanlarına və bələdiyyə qurumlarına;
2.2.8. dövlət, bələdiyyə təşkilatları
və idarələrinə;
2.2.9. seçkilərin təyin edilməsi
haqqında qərarın rəsmi dərc edildiyi
günə olan vəziyyətə görə
nizamnamə kapitalında dövlətin və ya
bələdiyyənin iştirak payı 30
faizdən artıq olan hüquqi
şəxslərə;
2.2.10. hərbi hissələrə;
2.2.11. xeyriyyə təşkilatlarına,
dini birliklərə, idarələrə və
təşkilatlara;
2.2.12.
aşağıdakı məlumatlardan hər hansı birini göstərməyən anonim ianə köçürənlərə
(vətəndaş üçün -
soyadını, adını, atasının adını, şəxsiyyət
vəsiqəsinin və ya onu əvəz edən sənədin
seriyasını, nömrəsini, verilmə tarixini,
yaşayış yerinin ünvanını, doğum tarixini; hüquqi
şəxs üçün - vergi ödəyicisinin eyniləşdirmə
nömrəsini, adını, qeydiyyat tarixini, bank rekvizitlərini,
nizamnamə kapitalında dövlət və ya
bələdiyyə payının olmasını, bunlar olduğu halda - miqdarını, nizamnamə
kapitalında xarici kapitalın pay miqdarını göstərməyənlərə
və ya qeyri-düzgün
göstərənlərə).
3. Namizədlərin seçki fonduna ianələrin
köçürülməsi və xərclənməsi
qaydası
3.1. Könüllü ianələr
yalnız Azərbaycan Respublikasının vətəndaşlarından
rabitə şöbələri və ya bank təşkilatları vasitəsilə ianəçinin
soyadı, adı, atasının adı, doğum
tarixi və yaşayış yerinin ünvanı göstərilməklə
şəxsiyyət vəsiqəsi, yaxud onu əvəz edən sənədin təqdim
edilməsi əsasında qəbul edilir.
3.2. Hüquqi şəxslərin
könüllü ianələri isə seçki fonduna yalnız
nağdsız köçürülmə yolu
ilə, müvafiq hüquqi
şəxsin nizamnamə kapitalında dövlət və ya bələdiyyə kapitalının, xarici kapitalın olub-olmaması və ya payı qeyd edilməklə,
onun adı, qeydiyyat tarixi, vergi ödəyicisinin
eyniləşdirmə nömrəsi, bank
rekvizitləri göstərilməklə qəbul olunur.
3.3. Vətəndaşların
və hüquqi şəxslərin könüllü ianələri xüsusi seçki
hesabına poçt və ya
bank təşkilatları vasitəsilə
müvafiq ödəniş sənədi
alındıqdan sonra ən geci iki gün
ərzində köçürülməlidir.
3.4. Namizədlərin
seçki fonduna ianələr
Seçki Məcəlləsinin 90.2-ci maddəsində
və bu Təlimatın 2.2-ci bəndində
göstərilən və buna hüququ olmayan subyektlərdən
daxil olubsa, yaxud Seçki Məcəlləsinin
191-ci maddəsində nəzərdə tutulan
məbləğdən artıq
köçürülübsə, müvəkkil bank bu Təlimatın 1
saylı əlavəsində göstərilən formada Mərkəzi Seçki
Komissiyasına məlumat verir.
3.5. Namizədlərin
seçki fonduna könüllü ianələr buna hüququ olmayan fiziki və hüquqi şəxslərdən daxil olubsa, yaxud
Seçki Məcəlləsinin 191-ci maddəsində
nəzərdə tutulmuş məbləğdən
artıq köçürülübsə, ianənin xüsusi
seçki hesabına daxil
olduğu gündən
sonrakı 10 gün müddətində
namizəd ianənin bütünlüklə və ya onun müəyyənləşdirilmiş
yuxarı həddini aşan hissəsinin geri qaytarılmasının səbəbini
göstərməklə və göndərilmə xərclərini
çıxmaqla, ianəçiyə qaytarmalıdır.
Göstərilən müddət ərzində ianə ianəçiyə
geri qaytarılmadıqda, bank
bu barədə Mərkəzi Seçki Komissiyasına yazılı məlumat
verməklə həmin ianəni bütünlüklə ianəçiyə
geri qaytarmalıdır.
3.6. Xüsusi
seçki hesabına daxil
olmuş anonim ianələr
daxil olduğu gündən
sonra 10 gün müddətində
namizəd, siyasi partiya,
siyasi partiyaların bloku
tərəfindən dövlət büdcəsinə köçürülür.
3.7. Göstərilən
müddət ərzində anonim ianə
dövlət büdcəsinə köçürülmədikdə,
müvafiq bank Mərkəzi
Seçki Komissiyasına yazılı məlumat
verməklə həmin ianəni bütünlüklə
dövlət büdcəsinə köçürür.
3.8. Qeydə
alınmış namizədlərin xüsusi
seçki hesabları üzrə bütün əməliyyatlar
səsvermə günündən sonra 3 iş günü müddətində
dayandırılır.
3.9. Seçki Məcəlləsinin
91.4-cü maddəsində nəzərdə tutulmuş
digər hallarda Mərkəzi Seçki Komissiyasının göstərişi
ilə müvafiq bank
namizədlərin xüsusi seçki hesablarından xərclərin ödənilməsi
ilə bağlı maliyyə əməliyyatlarını
dayandırır.
3.10. Maliyyə əməliyyatlarının
aparılması müddəti Mərkəzi Seçki
Komissiyası tərəfindən Seçki
Məcəlləsinin 92.1-ci maddəsində müəyyən
edilmiş aşağıdakı hallarda və əsaslarla uzadıla bilər:
3.10.1. qeydiyyatdan
imtina edilənədək namizədin,
namizədi qeydə alınmış siyasi
partiyanın, siyasi partiyalar
bloklarının gördükləri işlərin dəyərinin
ödənilməsi üçün;
3.10.2. namizəd kimi çıxış etməyə
razılıq verməsi barədə ərizəsini geri götürməsi və ya
siyasi partiya, siyasi partiyaların bloku tərəfindən
geri çağırılması;
3.10.3. öz namizədliyini geri götürmüş qeydə
alınmış namizədə, qeydə alınmış
namizədini geri
çağırmış siyasi partiyaya, siyasi
partiyaların bloklarına, qeydiyyatı ləğv edilmiş qeydə alınmış namizədə,
namizədin qeydiyyatının ləğv edilməsi
haqqında qərarın qəbul edilməsinədək görülmüş işlərin dəyərinin
ödənilməsi ilə əlaqədar;
3.10.4. digər hallarda - qeydə alınmış namizədə,
siyasi partiyaya, siyasi partiyaların blokuna
səs vermə gününədək görülmüş
işlərin dəyərinin ödənilməsi ilə əlaqədar.
3.11. Namizədlərin
xüsusi seçki
hesabında cəmləşən vəsaitlərdən
yalnız namizədlərin müdafiəsi üçün
imzaların toplanmasına yönəlmiş təşkilati-texniki
tədbirlərin maliyyə təminatı, habelə seçici imzalarının toplanması üçün müvafiq
şəxslərin haqqının ödənilməsi,
seçkiqabağı təşviqatla
bağlı işlərin, həmçinin informasiya
və məşvərət xidmətlərinin dəyərinin
ödənilməsi, habelə seçki
kampaniyasının keçirilməsi ilə əlaqədar hüquqi şəxslərin və vətəndaşların
bilavasitə yerinə yetirdikləri digər işlərin dəyərinin
ödənilməsi ilə bağlı xərclər üçün istifadə edilə bilər
(Təlimata 1 saylı əlavə). Bu vəsaitdən
Seçki Məcəlləsinin 88.2-ci,
88.4-cü, 88.5-ci maddələrinin tələblərinin
pozulması ilə həyata keçirilən təşviqat məqsədləri
üçün istifadə edilməsi
qadağandır.
4. Seçki
fondunun vəsaitlərinə dair hesabat
4.1. Müvəkkil bank Seçki Məcəlləsində
və bu Təlimatın 2.2-ci, 3.9-cu,
3.10-cu və 3.11-ci bəndlərində nəzərdə tutulan hallar barədə Mərkəzi
Seçki Komissiyasına məlumat verməlidir.
4.2. Namizədlər Mərkəzi
Seçki Komissiyasına öz
maliyyə hesabatlarını (Təlimata 2 saylı əlavə)
aşağıdakı növbəliklə təqdim edirlər:
4.2.1. birinci ilkin maliyyə
hesabatı Seçki Məcəlləsi
ilə müəyyənləşdirilmiş qaydada
Mərkəzi Seçki Komissiyasına qeydiyyat üçün zəruri
sənədlərlə eyni zamanda təqdim edilir; bu hesabata hesabatda
göstərilmiş tarixə 2 gün
qalmışdan əvvəlki dövr üçün məlumatlar daxil
edilir;
4.2.2. ikinci ilkin maliyyə
hesabatı səsvermə gününə ən tezi 20 gün qalmış
və səsvermə gününə ən geci
10 gün qalmış təqdim edilir; bu hesabata
orada göstərilən tarixə 7 gün qalmışdan əvvəlki dövr üçün məlumatlar
daxil edilir;
4.2.3. yekun maliyyə hesabatı seçkilərin nəticələrinin
rəsmi dərc edildiyi gündən ən
geci 10 gün sonra təqdim edilir; yekun maliyyə hesabatına seçki
fonduna vəsaitlərin daxil
olmasını və xərclənməsini təsdiq edən ilkin maliyyə sənədləri qoşulur.
4.3. Namizəd öz statusunu itirdikdə,
maliyyə hesabatının verilməsi vəzifəsi namizəd
olmuş vətəndaşların üzərinə
qoyulur.
4.4. Müvəkkil
bank həftədə bir
dəfədən az olmamaq
şərtilə, səsvermə gününə 10 gündən
az müddət qaldıqda isə 3 bank günü ərzində
bir dəfədən az
olmamaq şərtilə Mərkəzi Seçki Komissiyasına prezidentliyə namizədlərin
xüsusi seçki
hesablarına daxil olan
və xərclənən vəsaitlər barədə bu Təlimatın 1 saylı əlavəsinə
uyğun formada məlumat
verir.
5. Yekun
müddəalar
5.1. Bu Təlimat qüvvəyə
mindiyi gündən Mərkəzi Seçki Komissiyasının 4 iyul
2008-ci il tarixli 6/23-12
saylı qərarı ilə təsdiq edilmiş
"Azərbaycan Respublikası Prezidentinin
seçkilərində seçki
fondlarına vəsaitin daxil olması, xərclənməsi
uçotunun aparılması və
hesabatı qaydaları haqqında" Təlimat qüvvədən
düşmüş hesab
edilir.
Təlimata 1 saylı əlavə
(Prezidentliyə namizədin,
qeydə alınmış namizədin soyadı, adı,
atasının adı)
“_____” ____________________
________ ilə xüsusi seçki
hesabı barədə
M Ə L U M A T
Xüsusi seçki
hesabına daxil olan vəsaitlər
Sıra sayı
Tarix
Əməliyyatın məzmunu
Daxil olmuşdur,
o cümlədən :
Cəmi
Özünün xüsusi
vəsaiti
Siyasi partiyanın vəsaiti
Vətəndaşlardan daxil olmuş ianələr
Hüquqi şəxslərdən daxil olmuş ianələr
Sair daxil-
olmalar
Yekun
Qeyd: sair
daxilolmalar maddəsinin
açıqlaması:
_______________________________________________________
_______________________________________________________
_________________________________
Xüsusi seçki hesabından istifadə olunan vəsaitlər
Sıra sayı
Tarix
Əməliyyatın
məzmunu
Xərclənmişdir,
o cümlədən :
Cəmi
Seçici imzalarının toplanmasına
yönəldilmiş təşkilati-texniki
tədbirlər üçün
Seçkiqabağı
təşviqatla bağlı
işlərin, habelə
informasiya və məşvərət xidmətlərinin
dəyərinin ödənilməsi
üçün
Seçki kampaniyasının keçirilməsi
ilə əlaqədar
hüquqi şəxslərin
və vətəndaşların
bilavasitə yerinə
yetirdikləri digər
işlərin ödənilməsi
ilə bağlı xərclər
Sair xərclər
Y
e k u n
Qeyd: sair
xərclər maddəsinin
açıqlaması:
___________________________________________________________
___________________________________________________________
_________________________________
Bankın rəhbəri
Baş mühasib
(möhür)
“_____”________________ _______ il
Azərbaycan. - 2013.- 4 avqust.- S. 4.