Azərbaycanın Ermənistan tərəfindən işğal olunmuş Şuşa şəhəri ilə qardaşlaşmış Macarıstanın Cöncöş şəhərində beynəlxalq folklor festivalı keçiriləcəkdir

Azərbaycanın Ermənistan tərəfindən işğal olunmuş Şuşa şəhəri ilə qardaşlaşmış Macarıstanın Cöncöş şəhərində avqustun 5-dən 11-dək XIII Beynəlxalq folklor festivalı keçiriləcəkdir.

Bu ilki festivalda ev sahibləri ilə bir sırada Serbiya, Braziliya, Gürcüstan, Panama, Polşa, Yunanıstan, İndoneziya, Kolumbiya, Çin və Fransadan musiqiçilər və rəqs ansamblları çıxış edəcəklər. Cöncöş meriyasının dəvəti ilə bu şəhərlə qardaşlaşma Şuşa şəhərinin mahnı və rəqs ansamblı mötəbər musiqi festivalında ölkəmizi təmsil edəcəkdir. Şuşanı təmsil edəcək 25 nəfərdən ibarət ansamblın üzvləri festival proqramlarında və qala-konsertdə çıxış etməklə yanaşı, Cöncöş və Budapeştdə də konsertlər verməyi planlaşdırırlar. Eyni zamanda, onların iştirakı ilə avqustun 10-da Cöncöşdə "Azərbaycan gecəsi" keçiriləcəkdir. Qardaş şəhərlər kimi Şuşa və Cöncöş il ərzində bir sıra digər mədəni proqramları da hazırlayıb həyata keçirmək niyyətindədirlər.

Pərvanə QARAYEVA,

AzərTAc-ın xüsusi müxbiri

Budapeşt

Azərbaycan. - 2013.- 4 avqust.- S. 8.