Azərbaycan və Koreya Respublikası arasında hərbi əməkdaşlığın perspektivləri müzakirə olunmuşdur

Azərbaycan Respublikasının müdafiə naziri, general-polkovnik Səfər Əbiyev Koreya Respublikası müdafiə nazirinin müavini Baek Seunq Joonu ilə görüşmüşdür.

AzərTAc xəbər verir ki, S.Əbiyev Koreya Respublikası ilə Azərbaycan arasında son illər əlaqələrin gücləndiyini və bu prosesin bütün sahələri əhatə etdiyini bildirmişdir. Hərbi sahədə əməkdaşlığın qurulmasının vacibliyini önə çəkən nazir artıq bu məqsədlə hərbi memorandumun imzalanmaya hazır olduğunu koreyalı qonağın diqqətinə çatdırmışdır.

Bildirilmişdir ki, bu sənədin tezliklə qüvvəyə minməsi gələcəkdə hərbi əməkdaşlığın daha da inkişaf etdirilməsi üçün yeni imkanlar açacaqdır.

Hərbi təhsil sahəsində qarşılıqlı əlaqələrin yaradılması barədə də müzakirələr aparılmışdır.

Geniş fikir mübadiləsi şəraitində keçən görüşdə hər iki regionda mövcud hərbi-siyasi vəziyyətə də toxunulmuşdur.

Görüşdə Koreya Respublikasının Azərbaycandakı səfiri Çoi Suk İn iştirak etmişdir.

Azərbaycan. - 2013.- 13 avqust.- S. 6.