Əmlak Məsələləri Dövlət Komitəsinin sədri Xaçmazda vətəndaşları qəbul etmişdir

Avqustun 12-də Əmlak Məsələləri Dövlət Komitəsinin sədri Kərəm Həsənov Xaçmazda vətəndaşları qəbul etmişdir.

Daşınmaz Əmlakın Dövlət Reyestri Xidmətinin Xaçmaz Ərazi İdarəsində keçirilən qəbulda bu rayondan, eləcə də Quba, Qusar, Şabran, Siyəzən və Xızı rayonlarından olan vətəndaşların müraciətlərinə baxılmışdır.

Komitənin müvafiq struktur rəhbərlərinin də iştirak etdikləri qəbulda vətəndaşların daşınmaz əmlaklara dair hüquqların dövlət qeydiyyatı, dövlət əmlakının özəlləşdirilməsi və icarəyə verilməsi, həmçinin komitənin digər fəaliyyət istiqamətinə aid olan məsələlər barədə müraciətləri dinlənilmişdir. Bəzi vətəndaşların müraciətləri yerindəcə qanunamüvafiq olaraq operativ surətdə həllini tapmışdır.

Qəbulda bir sıra vətəndaşlarla müvafiq izahat işləri aparılmış, onlara digər qurumlarla, o cümlədən bələdiyyələr, yerli icra hakimiyyəti orqanları ilə bağlı qeydiyyat üçün zəruri olan əlaqəli sənədlərin əldə edilməsinin vacibliyinə dair tövsiyələr verilmişdir.

Qəbul zamanı bəzi müraciətlər qeydiyyata götürülmüş, qanunauyğun şəkildə araşdırılaraq lazımi tədbirlərin görüləcəyi, bununla bağlı həmin vətəndaşlara operativ məlumat veriləcəyi bildirilmişdir.

AzərTAc

Azərbaycan. - 2013.- 13 avqust.- S. 6.