Təhsil naziri xarici ölkələrin ali təhsil müəssisələrində müvafiq dövlət proqramı çərçivəsində təhsil alacaq tələbələrlə görüşmüşdür

Avqustun 13-də təhsil naziri Mikayıl Cabbarov 2013-2014-cü tədris ilində xarici ölkələrin ali təhsil müəssisələrində "2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" çərçivəsində təhsil almaq üçün Azərbaycan Respublikası Prezidenti yanında Təhsil üzrə Komissiya tərəfindən təsdiq olunmuş 53 tələbə ilə görüşmüşdür.

Təhsil Nazirliyindən AzərTAc-a bildirmişlər ki, görüşdə M.Cabbarov azərbaycanlı gənclərin xaricdə təhsil almağa göndərilməsi ənənəsinin əsasının ümummilli lider Heydər Əliyev tərəfindən qoyulduğunu xatırlatmışdır. Bu ənənənin uğurla davam etdirildiyini vurğulayan nazir xaricdə təhsil alan gənclərə xüsusi diqqət göstərildiyini söyləmişdir.

M.Cabbarov tələbələrə tövsiyələrini vermiş, onları vətənpərvərliyə çağırmışdır.

Azərbaycan. - 2013.- 14 avqust.- S. 5.