Uğurlu tərəfdaşlıq modeli
Dünyanın
fövqəlgüc dövlətlərindən olan
Rusiya Azərbaycan Prezidenti
İlham Əliyevin yürütdüyü
siyasətə növbəti dəfə birmənalı dəstəyini
bildirdi
Azərbaycanın
yaxın qonşusu, ölkəmizin bir neçə əsrlik tarixlə
bağlı olduğu Rusiya
Federasiyası ilə münasibətlər zəminində əldə
edilmiş nəticələr son dərəcə əhəmiyyətlidir.
Ən yeni tarixə qısa ekskurs edərək xatırladaq ki, sovetlər birliyi
dönəmində də Rusiya ilə Azərbaycanın
münasibətləri bütün sahələrdə
ən yüksək səviyyədə qurulmuşdu.
Sovetlər
birliyi dövründə ulu
öndər Heydər Əliyevin rəhbərliyi ilə Azərbaycan
ittifaqın iqtisadiyyatında çox mühüm rol
oynayırdı. Respublikamız benzinin
yüksək növlərini, sürtkü
yağları, neft kimyası, əlvan və
qara metallurgiya məhsulları,
yüksək keyfiyyətli neft
avadanlığı (ittifaqda istehsal olunan bu cür
avadanlığın 70 faizindən çoxu),
elektrik cihazları və
avadanlığı, kondisionerlər, elektron
və radiotexnika məhsulları, geniş çeşiddə yüngül
sənaye malları və digər məhsulları Rusiyaya ixrac edirdi. Azərbaycanın kənd təsərrüfatı
məhsullarına - meyvə-tərəvəzə, konservlərə,
şərablara da Rusiyada
böyük tələbat vardı.
Strateji
tərəfdaşlığa əsaslanan Azərbaycan-Rusiya
münasibətləri
Azərbaycan-Rusiya
münasibətlərinin ölkəmizin milli
maraqlarına uyğun istiqamətdə təşəkkül
tapması ulu öndər Heydər
Əliyevin müəllifi olduğu xarici siyasət kursunun
mahiyyətindən irəli gəlmişdir. Faktiki
olaraq bu kursu mümkün
alternativlər sırasından Azərbaycanın perspektivi və milli təhlükəsizliyi
baxımından ən uğurlu seçimi hesab etmək olar. Heydər Əliyevin Azərbaycana ikinci dəfə siyasi
hakimiyyətə qayıdışı ilə Rusiya-Azərbaycan
münasibətləri yenidən inkişaf
dövrünə qədəm qoydu. Xüsusilə Rusiya Prezidenti Vladimir Putinin Azərbaycana ilk rəsmi
səfəri ilə iki ölkə
arasında qarşılıqlı münasibətlərin yeni prinsiplərinin əsasını qoyan Bakı Bəyannaməsi imzalandı.
2001-ci il 9 yanvarda
imzalanmış Bakı Bəyannaməsində göstərilirdi
ki, "Rusiya Federasiyası
və Azərbaycan Respublikası onların dövlət suverenliyi və müstəqilliyinə
qarşılıqlı hörmət etmək, bərabərhüquqlu
və bir-birinin daxili
işlərinə qarışmamaq, zor
işlətməmək, təhlükə qüvvəsindən
istifadə etməmək, ərazi bütövlüyü,
sərhədlərin toxunulmazlığı, mübahisələrin
sülh yolu ilə
həll olunması, həmçinin beynəlxalq hüququn qəbul edilmiş
normalarının prinsipləri əsasında ikitərəfli
əlaqənin yeni, strateji
əməkdaşlığın daha
yüksək mərhələsinə qaldırılması məqsədini
güdürlər".
2002-ci ilin yanvarında ulu öndər
Heydər Əliyevin Rusiyaya dövlət səfəri
ilə iki qonşu
dövlət arasında münasibətlərdə tamamilə
yeni mərhələnin əsası qoyuldu. Səfər zamanı ən müxtəlif
sahələrdə, o cümlədən Xəzər
dənizində əməkdaşlığın prinsipləri
haqqında birgə bəyanat imzalanmışdır. "Azərbaycan
Respublikası ilə Rusiya Federasiyası
arasında Xəzər dənizində əməkdaşlıq
prinsipləri haqqında Birgə Bəyannamə" daha bir ziddiyyətli məsələnin
həllini sürətləndirmişdir. Xəzərin hüquqi statusunun müəyyənləşdirilməsinin
prinsipial əsaslarını nəzərdə
tutan bu sənəd
Rusiya-Azərbaycan münasibətlərinin strateji
tərəfdaşlıq səviyyəsində
inkişafını nümayiş etdirmişdir.
Diplomatik münasibətlərin uğurla qurulmasında xalqların mədəni-tarixi
bağlılığı da mühüm rol
oynadığından rəsmi Bakı Rusiya
ilə əlaqələrin inkişafında bu
amili daim diqqətdə
saxlamışdır. Azərbaycanın
sivilizasiyalararası dialoq təşəbbüskarı
kimi çıxış etməsi,
ölkədə milli azlıqların bütün hüquqlarının yüksək
səviyyədə qorunması, tolerantlıq mühitinin
hökm sürməsi Rusiya-Azərbaycan
münasibətlərinə müsbət impulslar
vermişdir. Rusiya
Federasiyasının Həştərxan şəhərində
ümummilli lider Heydər
Əliyevin abidəsi açılmışdır. Rusiya dövlətinin
iqtisadi cəhətdən inkişaf
etməsi, dünya miqaysındakı nüfuzu, eyni zamanda, Azərbaycanın iqtisadi
baxımdan bölgədə lider rolunu oynaması, regionda və
beynəlxalq aləmdə nüfuzunun daim artması kimi ümumi oxşarlıqlar əlaqələrimizin
genişlənməsi üçün
yaxşı zəmin yaradır.
Bu gün
Azərbaycan Cənubi Qafqazda Rusiya ilə bərabərhüquqlu münasibətlər
sistemi yaratmağa nail olmuş yeganə
respublikadır. Azərbaycan ilə Rusiya
arasında münasibətlər geniş
sahələri əhatə edir. Dmitri Medvedevin prezidentliyi dövründə də ölkələrimiz
arasında münasibətlərdə uğurlu
nəticələr əldə edilmişdir.
Rusiyanın keçmiş prezidentinin
ölkəmizə səfəri çərçivəsində
bir sıra mühüm
razılıqar əldə edilmişdir. Xəzəryanı
ölkələrin Bakı sammiti də çox yüksək səviyyədə keçirilmiş, regional
məsələlərdə ölkələrimiz arasında
qarşılıqlı anlaşma əldə
edilmişdir. Rusiyada son prezident seçkilərində
böyük qələbə qazanan Vladimir Putin iki ölkə
arasında münasibətlərin daha da dərinləşməsi istiqamətində
davamlı addımlar atır.
Regional
və beynəlxalq əməkdaşlığa uğurlu nümunə
Rusiya Prezidenti Vladimir Putinin Azərbaycana bu səfəri iki ölkə arasında əməkdaşlığın
bütün istiqamətlərdə
uğurla inkişaf etdiyini göstərdi.
Bu səfər bir daha təsdiqlədi ki, iki qonşu
dövlətin mövqeyi bir
çox regional və
beynəlxalq məsələlərdə üst-üstə düşür. Prezident İlham Əliyev iki
ölkə arasındakı münasibətləri belə
xarakterizə edib: "Bugünkü
səfər bizim münasibətlərimizin
nə dərəcədə dinamik, uğurlu inkişaf etdiyini, ölkələrimizin və
xalqlarımızın amallarına nə dərəcədə
uyğun olduğunu bir daha nümayiş
etdirir. Səfər çərçivəsində
biz münasibətlərimizin çox geniş gündəliyini
nəzərdən keçirdik,
qarşılıqlı maraq doğuran bütün məsələləri
müzakirə etdik və münasibətlərimizin
gələcək inkişaf
yollarını qeyd etdik.
Rusiya ilə Azərbaycan arasında
münasibətlər dostluğa, mehriban qonşuluğa,
xalqlarımızın tarixinə, onların ortaq
taleyinə, bu gün isə
həm də qarşılıqlı maraqlara,
möhkəm bazaya əsaslanır.
Siyasi sahədə münasibətlərimizin
necə inkişaf etməsindən çox razıyıq. Biz
beynəlxalq təşkilatlarda dostlar, tərəfdaşlar
kimi əməkdaşlıq edirik. Bu gün
bu məsələyə xüsusi
diqqət yetirildi. Biz bir-birimizi beynəlxalq qurumlarda
dəstəkləyirik və gələcəkdə də beynəlxalq
təşkilatlarda qarşılıqlı dəstək siyasətini
davam etdirəcəyik".
Azərbaycan
Respublikasının Prezidenti İlham Əliyevin və Rusiya
Federasiyasının Prezidenti Vladimir Putinin nümayəndə
heyətlərinin iştirakı ilə geniş
tərkibdə görüşündən sonra
Azərbaycan-Rusiya sənədlərinin imzalanma
mərasimi olmuşdur. Bu sırada "Azərbaycan
Respublikası Dövlət Neft Şirkəti
ilə "Neftyanaya kompaniya
"Rosneft" Açıq Səhmdar Cəmiyyəti
arasında əməkdaşlıq haqqında saziş"
və "Azərbaycan Respublikası Dövlət Neft Şirkəti ilə "Neftyanaya
kompaniya "Rosneft"
Açıq Səhmdar Cəmiyyəti arasında neft nəqlinin əsas şərtləri", "Azərbaycan Respublikası Fövqəladə
Hallar Nazirliyi ilə Rusiya Federasiyası Mülki
Müdafiə, Fövqəladə Hallar və
Təbii Fəlakətlərin Nəticələrinin Aradan Qaldırılması Məsələləri
üzrə Nazirliyi arasında 2013-2015-ci
illər dövrü üçün
kompleks əməkdaşlıq
planı", "Azərbaycan Respublikası hökuməti ilə Rusiya
Federasiyası hökuməti arasında Aviasiya
axtarışı və xilasetmə sahəsində əməkdaşlıq
haqqında Saziş", "Rusiya-Azərbaycan
dövlət sərhədindən "Samur"
(Azərbaycan Respublikası) - "Yaraq-qazmalar"
(Rusiya Federasiyası) buraxılış məntəqələri
rayonunda Samur
çayı üzərindən avtomobil körpüsü tikilməsi haqqında
Azərbaycan Respublikası hökuməti və Rusiya Federasiyası hökuməti arasında Saziş" və "2015-ci ilə qədər
olan dövrdə Azərbaycan
Respublikası ilə Rusiya Federasiyası
arasında humanitar sahədə Əməkdaşlıq
Proqramı"nı misal göstərmək
olar.
Rəsmi
Moskvanın Cənubi Qafqazın ən aparıcı ölkəsi
olan Azərbaycana münasibətində etimad və inam getdikcə
möhkəmlənir. Prezident Vladimir Putinin
Bakıya səfəri həm də ikitərəfli münasibətlərin
genişlənməsində mövcud potensialdan daha səmərəli
istifadənin zəruriliyini ön plana çıxardı. Rusiya
ilə Azərbaycan arasında hərtərəfli əməkdaşlığın
dərinləşdirilməsini zəruri edən başlıca
amillərdən biri də məhz ölkələrimiz
arasında tarixən formalaşmış iqtisadi
əlaqələrdir. Bu sahədə də
əldə olunan nəticələr onu deməyə əsas verir
ki, Rusiya-Azərbaycan münasibətləri
bütün sahələrdə yüksələn
xətt üzrə inkişaf edir.
Azərbaycanın
ən etibarlı ticarət tərəfdaşı
Son illərin təcrübəsi
təsdiq edir ki, qonşu dövlətlərin regionları
arasında əlverişli ticarət-iqtisadi və investisiya mühitinin
formalaşdırılması bir çox dünya ölkələrinin
rastlaşdığı qlobal maliyyə
böhranının mənfi nəticələrinin
qarşısını almağa da imkan yaradır. Bu baxımdan, Rusiya və
Azərbaycanın regionlararası əməkdaşlıq təcrübəsi
yaxşı nümunə ola bilər.
Hazırda respublikamız Rusiya
Federasiyasının əksər subyektləri ilə birbaşa əlaqələr qurmuş,
onların bəziləri ilə hökumətlərarası
sazişlər imzalamışdır.
Məlumat
üçün bildirək ki, Rusiya
Federasiyasının 83 subyektindən 70-i Azərbaycan ilə əməkdaşlıq
edir. 1994-2012-ci illərdə Azərbaycan
Respublikası hökuməti ilə Rusiya
Federasiyasının subyektləri arasında ticarət-iqtisadi,
elmi-texniki və mədəniyyət sahələrində
əməkdaşlığa dair 30-dan çox saziş imzalanmışdır.
Rusiya Prezidenti
Vladimir Putin bu mövzuda
danışarkən bildirib: "Rusiya ənənəvi olaraq
Azərbaycan ilə ticarət dövriyyəsində
aparıcı yerlərdən birini tutur. Biz ikinci
yerdəyik. Birinci yeri
İtaliya tutur. Lakin biz yaxşı bilirik ki, bu,
əsasən İtaliya və Avropa bazarına karbohidrogen
xammalı satışı hesabına yaranmışdır. Azərbaycan
ilə Rusiya arasında ticarət
dövriyyəsi isə qat-qat artıq dərəcədə
tarazlaşmış, mütəxəssislərin təbirincə
desək, nəcib xarakter
daşıyır. Burada maşınlar,
avadanlıq, ərzaq, bir sözlə, həm
Azərbaycan iqtisadiyyatı üçün,
həm də Rusiya Federasiyasının
iqtisadiyyatı üçün həyati əhəmiyyətli
məhsullardan söhbət gedir.
Bu cür
yüksək göstəricilər əldə edilməsinə
regionlararası və sərhədyanı intensiv
əlaqələr çox kömək edir. Bunu demək kifayətdir
ki, Rusiya
Federasiyasının 70-dən çox regionu Azərbaycan ilə sıx işgüzar əlaqələr saxlayır.
Qeyd etməliyəm
ki, Azərbaycanda 500-dən çox Rusiya şirkəti
işləyir, onların fəaliyyəti sosial-iqtisadi
inkişaf üçün
ən mühüm sahələrin geniş spektrini əhatə
edir - yanacaq-energetika kompleksi, avtomobil sənayesi,
maliyyə, sığorta fəaliyyəti, səhiyyə.
Yaxşı məlumdur ki, bunlar
faktiki məişət səviyyəsidir, lakin
əslində, böyük iqtisadi əhəmiyyət kəsb edir. Hamı yaxşı bilir
ki, Rusiyada kifayət qədər
çoxlu Azərbaycan vətəndaşı
işləyir, onların sayı bir milyondan artıqdır, Rusiya
vətəndaşlığı olan azərbaycanlıları
da nəzərə alsaq,
bu, iki milyondan
çoxdur".
Əmtəə
dövriyyəsinin strukturu çox
müsbətdir. Hərbi-texniki sahədə də fəal əməkdaşlıq
müşahidə olunur. Bu
gün Rusiya ilə Azərbaycan
arasında hərbi-texniki əməkdaşlığın həcmi
4 milyard dollarla ölçülür və bu
göstərici artmaqdadır. Azərbaycan artıq haqlı olaraq dünyada ən
yaxşı texnikadan biri
sayılan Rusiya texnikasının
alıcıları olan aparıcı
ölkələr sırasına daxildir.
Humanitar sahədə əməkdaşlıq uğurla
inkişaf edir
Ölkələrimiz və xalqlarımız
arasında humanitar sahədə əməkdaşlıq
əlaqələrinin inkişafı
istiqamətində əldə
edilmiş ciddi nailiyyətlər ümumilikdə
dövlətlərarası münasibətlərin inkişafında
öz sözünü
deyir. Bakıda Rusiya İnformasiya-Mədəniyyət
Mərkəzi binasının
açılışı buna əyani misaldır. Mərkəzin
fəaliyyəti Azərbaycan
ictimaiyyətini Rusiyanın
müxtəlif sahələrdə
qazandığı uğurlarla,
onun mənəvi irsi, zəngin elmi və mədəni
potensialı ilə tanış etməyə, eləcə
də ikitərəfli
mədəni, təhsil,
elmi-texniki proqramların,
işgüzar əlaqələrin
güclənməsinə kömək
etməyə yönəlmişdir.
Mərkəzin uğurlu fəaliyyəti
Azərbaycan ilə Rusiya arasında humanitar əməkdaşlığın
inkişaf etdirilməsi
və möhkəmləndirilməsi
istiqamətində atılmış
mühüm addımdır.
Mübadilə proqramları da
vətəndaşlar, elm, mədəniyyət
və təhsil müəssisələri arasında
əlaqələrin genişlənməsinə
kömək etmişdir.
Həmin
tədbirlərin uğurla
nəticələnməsi xalqların
tarixi talelərinin yaxınlığını, mədəniyyətlərin
dialoqunda varisliyin saxlanılmasına səy
göstərildiyini bir
daha təsdiq etmişdir. Bu təşəbbüslər dövlət
səviyyəsində humanitar
sahədə əməkdaşlıq
proqramı ilə dəstəklənir. Proqram həm
qarşılıqlı əlaqələrin
ənənəvi formalarını,
həm də incəsənət, elm və
təhsil, informasiya və gənclər siyasəti sahələrində
əməkdaşlığın yeni istiqamətlərini nəzərdə tutur.
Azərbaycanda rus dilində
fəaliyyət göstərən
məktəblərdə rus
dili yüksək peşəkar səviyyədə
öyrənilir, rus mədəniyyəti və
incəsənəti üzrə
mütəxəssislər hazırlanır.
Belə ki, ölkəmizdə tədrisin
rus dilində həyata keçirildiyi
335 məktəb var. Bu məktəblərin
15-də tədris sırf
rus dilindədir, 27 universitetdə də rus dilində tədris aparılır.
Rusiya-Azərbaycan əlaqələri
son 10 ildə daha da inkişaf edib. Ölkələrimiz arasında siyasi, iqtsadi, mədəni və digər sahələrdə əməkdaşlığın
güclənməsi perspektivdə
daha böyük işlərin görülməsini
vacib edir.
Elnur
HACALIYEV
Azərbaycan. - 2013.- 17 avqust.- S. 7.