Fövqəladə hallar naziri Yevlaxda vətəndaşları qəbul edəcəkdir

Azərbaycan Respublikasının fövqəladə hallar naziri, general-polkovnik Kəmaləddin Heydərov avqustun 23-də saat 11:00-da Yevlax şəhərində vətəndaşları qəbul edəcəkdir.

Fövqəladə Hallar Nazirliyindən AzərTAc-a bildirmişlər ki, qəbulda Yevlax, Mingəçevir, Naftalan, Goranboy, Göyçay, Ucar, Zərdab, Kürdəmir və Ağdaş sakinləri, habelə həmin şəhər və rayonlarda müvəqqəti məskunlaşmış məcburi köçkünlər iştirak edə bilərlər. Qəbulda yalnız Fövqəladə Hallar Nazirliyinin fəaliyyəti ilə bağlı müraciətlərə baxılacaqdır.

Qəbula gələn vətəndaşların qeydiyyatı Fövqəladə Hallar Nazirliyinin Aran Regional Mərkəzinin inzibati binasında (ünvan: Yevlax şəhəri, Bakı prospekti 30) avqustun 21-də saat 14:00-dan başlayacaqdır. Qəbula gələn vətəndaşlar şəxsiyyəti təsdiq edən sənəd təqdim etməlidirlər. Əlaqə telefonu: 994 (12) 512-01-14

e-mail: info@fhn.gov.az.

Azərbaycan. - 2013.- 21 avqust.- S. 2.