Konstitusiya Məhkəməsi Palatasının növbəti iclası keçirilmişdir

Azərbaycan Respublikası Konstitusiya Məhkəməsi Palatasının növbəti iclası olmuşdur.

Konstitusiya Məhkəməsinin mətbuat xidmətindən AzərTAc-a bildirmişlər ki, iclasda Azərbaycan Respublikası Konstitusiyasının 130-cu maddəsinin VI hissəsinə və "Konstitusiya Məhkəməsi haqqında" qanunun 33-cü maddəsinə əsasən, "Əmək pensiyaları haqqında" qanunun 20.1.7-ci maddəsinin şərh edilməsi ilə bağlı 2 saylı Bakı İnzibati-İqtisadi Məhkəməsinin müraciətinə baxılaraq icraata qəbul olunması haqqında qərardad çıxarılmışdır. Müraciətə mahiyyəti üzrə, tərəflərin iştirakı ilə Konstitusiya Məhkəməsi Plenumunun sentyabrın 10-na təyin edilmiş iclasında baxılacaqdır.

* * *

Azərbaycan Respublikası Konstitusiya Məhkəməsi Palatasının növbəti iclası keçirilmişdir.

Konstitusiya Məhkəməsinin mətbuat xidmətindən AzərTAc-a bildirmişlər ki, iclasda Azərbaycan Respublikası Konstitusiyasının 130-cu maddəsinin V hissəsinə və "Konstitusiya Məhkəməsi haqqında" qanunun 7.1-ci maddəsinə əsasən, Teymuraz Cavaxadzenin məhkəmə aktlarından verdiyi şikayətə baxılaraq icraata qəbul edilməsi haqqında qərardad çıxarılmışdır. Şikayətə mahiyyəti üzrə, tərəflərin iştirakı ilə Konstitusiya Məhkəməsi Plenumunun sentyabrın 13-nə təyin edilmiş iclasında baxılacaqdır.

Azərbaycan. - 2013.- 21 avqust.- S. 4.