Ağsu necə də gözəlləşib!..
İndi Azərbaycanın
bütün bölgələri
tanınmaz dərəcədə gözəlləşib.
Ən ucqar rayonların mərkəzlərini
belə görəndə bir anlığa
indiyədək tanımadığın, heç
vaxt qonağı olmadığın başqa şəhərə düşdüyünü
zənn edirsən.
Ağsu da çox dəyişib. Burada
yeni sosial və mədəniyyət
obyektləri tikilib. Rayonun
istər mərkəzi, istərsə də kəndləri
abadlaşdırılıb. Yollar,
küçələr, səkilər qaydaya
salınıb. Hər yanda səliqə-sahman
göz oxşayır.
Rayonun girəcəyindəki
seyrəngah sanki insanları salamlayaraq onlara "xoş gəlmisiniz" deyir.
Buradakı bulaq isə suyu
Ağsu dağlarından süzülüb
gələn çoxsaylı bulaqların bir
növ rəmzinə çevrilib.
Heydər
Əliyev Mərkəzinin binasının gözəlliyi diqqəti
xüsusilə çəkir. Mərkəzin özü
də rayon əhalisinin ulu
öndərin irsini öyrənməkdə,
gənclərin dövlətçilik ruhunda
tərbiyə olunmasında böyük rol oynayır. Gənclər mərkəzi də,
həmçinin ağsulu cavanların ən
çox gəldiyi, sevdiyi
məkandır. Mərkəzi park isə böyüyün də, kiçiyin
də istirahət etdiyi yerdir.
Ağsuda abadlıq işləri davam edir. Rayonda su
və kanalizasiya xətləri çəkilir,
yaşıllıqlara qulluq
edilir. Bir sözlə, Ağsu
indi gülün gülü, çiçəyin
çiçəyi çağırdığı
bir cənnət guşədir. O, bölgələrin
inkişafına yönəldilən
dövlət proqramları
çərçivəsində günü-gündən abadlaşan
rayonlarımız sırasında
addımlayır.
Azərbaycan. - 2013.- 22 avqust.- S. 6.