Azərbaycan-Türkiyə
hərbi əməkdaşlığı uğurla
inkişaf edir
Avqustun 22-də Azərbaycanın
müdafiə naziri general-polkovnik
Səfər Əbiyev Türkiyənin ölkəmizdəki səfiri
İsmayıl Alper Coşkun
ilə görüşmüşdür.
Müdafiə Nazirliyinin mətbuat xidmətindən
AzərTAc-a bildirmişlər ki, Türkiyə-Azərbaycan
əlaqələrinin inkişafından söhbət açan müdafiə naziri
hərbi əməkdaşlıq sahəsində də
uğurların əldə olunduğunu qeyd etmişdir.
Görüşdə
İsmayıl Alper Coşkun
ölkəsinin Azərbaycana yeni təyin olunan hərbi attaşesi, briqada generalı Hasan Nevzat Taşdeleri nazir Səfər Əbiyevə təqdim etmişdir.
Yeni attaşeyə fəaliyyətində yüksək
nailiyyətlər arzulayan Azərbaycanın
müdafiə naziri sabiq
hərbi attaşe briqada
generalı Yücel Karaüzə də Azərbaycanda
çalışdığı müddətdə səmərəli
işinə görə öz təşəkkürünü
bildirmişdir.
Azərbaycan. - 2013.- 23 avqust.- S. 3.