Dini Qurumlarla İş üzrə Dövlət Komitəsinin sədri Sumqayıtda vətəndaşları qəbul etmişdir

Avqustun 22-də Dini Qurumlarla İş üzrə Dövlət Komitəsinin (DQİDK) sədri Elşad İskəndərov Sumqayıt şəhərində vətəndaşları qəbul etmişdir. Komitənin mətbuat xidmətindən AzərTAc-a bildirmişlər ki, Sumqayıt Tarixi Muzeyində keçirilən qəbulda DQİDK-nın sədri Sumqayıt şəhəri, Abşeron və Xızı rayonlarından gəlmiş dindarların, sakinlərin müraciətlərini və təkliflərini dinləmiş, problemləri ilə maraqlanmışdır.

Vətəndaşların müraciətləri əsasən ibadət yerlərinin tikintisi və bərpası, dini mağazaların fəaliyyəti, həmçinin dini icmaların qeydiyyatı ilə bağlı olmuşdur.

Qəbulda iştirak edən DQİDK-nın struktur rəhbərlərinə müraciətlərin həlli istiqamətində müvafiq tapşırıqlar verilmişdir.

Azərbaycan. - 2013.- 23 avqust.- S. 3.