Azərbaycan-Niderland
əməkdaşlığı müzakirə edilmişdir
Azərbaycanın
xarici işlər naziri
Elmar Məmmədyarov avqustun
27-də Niderland Krallığının
ölkəmizə yeni təyin olunmuş səfiri Robert Jan Qabrielsen ilə görüşmüşdür.
Xarici İşlər Nazirliyinin mətbuat xidmətindən AzərTAc-a
bildirmişlər ki, Elmar
Məmmədyarov Robert Qabrielseni
ölkəmizə səfir təyin olunması münasibəti
ilə təbrik etmiş və ona gələcək fəaliyyətində uğurlar arzulamışdır.
Görüşdə
Azərbaycan ilə Niderland
arasındakı əməkdaşlığın
hazırkı vəziyyəti müzakirə edilmiş
və əlaqələrin daha da inkişafı üçün
geniş potensialın olduğu
vurğulanmışdır.
Elmar Məmmədyarov yeni təyin olunmuş səfirin
ölkələrimiz arasındakı münasibətlərin inkişafına
töhfə verəcəyinə əminliyini bildirmişdir.
Etimadnaməsinin
surətini nazir E.Məmmədyarova təqdim
edən R.Qabrielsen ölkəsinin Azərbaycan
ilə ikitərəfli münasibətlərin
inkişafında maraqlı olduğunu diqqətə
çatdırmışdır. O, həmçinin
vurğulamışdır ki, diplomatik fəaliyyəti müddətində
ölkələrimiz arasındakı münasibətlərin
genişləndirilməsi istiqamətində səylərini əsirgəməyəcəkdir.
Azərbaycan. - 2013.- 28 avqust.- S. 2.