Amerikada çıxan «Anchorage Daily News» qəzetində Azərbaycanın Füzuli, Cəbrayıl və Qubadlı rayonlarının işğal olunması haqqında məqalə dərc edilmişdir

Alyaska ştatının əsas qəzeti sayılan "Anchorage Daily News" nəşrinin 25 avqust tarixli nömrəsində bu ştatın Azərbaycan icmasının üzvü Cəmilə Skivin (Adışovanın) "Bu həftə Ermənistan tərəfindən etnik azərbaycanlıların öz doğma torpaqlarından qovulmasının ildönümü qeyd edilir" sərlövhəli məqalə-müraciəti dərc olunmuşdur.

ABŞ Azərbaycanlılar Şəbəkəsi kampaniyasına göndərilmiş müraciətdə 1993-cü il avqustun 23-dən 31-dək Azərbaycanın Füzuli, Cəbrayıl və Qubadlı rayonlarının işğal edilməsindən, BMT Təhlükəsizlik Şurası tərəfindən Ermənistanın işğalçı hərəkətlərini pisləyən və işğalçı qoşunların Azərbaycan ərazisindən çıxarılmasını tələb edən 874 nömrəli qətnaməsinin qəbul olunmasından bəhs edilir. Məqalədə həmin rayonlardan qovulmuş azərbaycanlıların sayı barədə ətraflı məlumat verilir. Göstərilir ki, bu üç rayondan 157 min sakin məcburi köçkün vəziyyətinə düşmüşdür.

Azərbaycan. - 2013.- 29 avqust.- S. 7.