Azərbaycanda
keçiriləcək prezident seçkilərini
müşahidə etmək üçün
yaradılmış şərait müzakirə edilmişdir
Avqustun 29-da Azərbaycanın
xarici işlər naziri Elmar Məmmədyarov ATƏT-in
Demokratik Təsisatlar və İnsan Haqları Bürosunun
Seçki Müşahidə Missiyasının rəhbəri
xanım Tana de Zuluetonun rəhbərlik etdiyi nümayəndə
heyəti ilə görüşmüşdür.
Xarici
İşlər Nazirliyinin mətbuat xidmətindən
bildirmişlər ki, görüşdə oktyabrda Azərbaycanda
keçiriləcək prezident seçkiləri öncəsi vəziyyət,
beynəlxalq və yerli müşahidəçilər
üçün yaradılmış şərait müzakirə
edilmişdir.
Nazir Elmar Məmmədyarov
ATƏT-in Seçki Müşahidə Missiyasının fəaliyyəti
üçün Azərbaycan hökuməti tərəfindən
lazımi şəraitin yaradıldığını və
ölkəsinin missiya ilə əməkdaşlığa
hazır olduğunu bildirmişdir.
Xanım Tana de
Zulueto Azərbaycanda keçiriləcək prezident seçkilərinin
monitorinq proqramı və müşahidə missiyasının
tərkibi, eləcə də qısa və uzunmüddətli
missiyalar haqqında məlumat vermişdir.
AzərTAc
Azərbaycan.
- 2013.- 30 avqust.- S. 6.