«Azərbaycan Respublikasının «Sərhəddə fərqlənməyə görə» medalının Əsasnaməsinin və təsvirinin təsdiq edilməsi haqqında» Azərbaycan Respublikasının 1993-cü il 6 dekabr tarixli 760 nömrəli Qanununda dəyişikliklər edilməsi barədə

Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 9-cu bəndini rəhbər tutaraq qərara alır:

"Azərbaycan Respublikasının "Sərhəddə fərqlənməyə görə" medalının Əsasnaməsinin və təsvirinin təsdiq edilməsi haqqında" Azərbaycan Respublikasının 1993-cü il 6 dekabr tarixli 760 nömrəli Qanununda (Azərbaycan Respublikası Ali Sovetinin Məlumatı, 1993, № 23-24, maddə 683; Azərbaycan Respublikasının Qanunvericilik Toplusu, 1998, № 3, maddə 141; 2002, № 5, maddə 252; 2004, № 4, maddə 199, № 5, maddə 312) aşağıdakı dəyişikliklər edilsin:

1. Həmin qanunla təsdiq edilmiş "Sərhəddə fərqlənməyə görə" medalının təsviri"ndə:

1.1. birinci hissədə "35 mm diametrli girdə" sözləri "36 mm diametrli dairəvi" sözləri ilə əvəz edilsin;

1.2. dördüncü hissədə "nömrəsi" sözündən əvvəl "seriyası və" sözləri əlavə edilsin;

1.3. beşinci hissədə:

1.3.1. "27 mm x 43 mm ölçüdə mixəyi çalarlı" sözləri "37 mm x 50 mm ölçüdə mixəyi çalarlı, kənarlarında 4 mm enində açıq mixəyi rəngli şaquli zolaqlar təsvir olunmuş" sözləri ilə əvəz edilsin;

1.3.2. hissəyə aşağıdakı məzmunda ikinci cümlə əlavə edilsin:

"Xara lentin yuxarı hissəsinə 40 mm x 5 mm ölçüdə bürünc rəngli təbəqə bərkidilir.";

1.4. altıncı hissədə "üzərində aypara və ulduz təsvir edilən eyni xara lentdən hazırlanmış 27 mm x 9 mm" sözləri "eyni xara lentdən hazırlanmış 37 mm x 10 mm" sözləri ilə əvəz edilsin.

2. Həmin qanuna əlavə edilmiş "Sərhəddə fərqlənməyə görə" medalının eskizi bu Qanuna əlavə olunmuş yeni eskizi ilə əvəz edilsin.

İlham ƏLİYEV

Azərbaycan Respublikasının Prezidenti

Bakı şəhəri, 30 sentyabr 2013-cü il

Azərbaycan.-2013.-1 dekabr.-S.3.