Azərbaycanlı rejissorlar festivallarda

Dekabrın əvvəlində Tbilisidə XIV Beynəlxalq film festivalı öz işinə başladı. Bir həftədən artıq davam edən bu beynəlxalq tədbirdə Azərbaycanın gənc rejissorları - Rüfət Həsənov və Elvin Adıgözəlin "Buqələmun" tammetrajlı bədii filmi "Beynəlxalq müsabiqə kateqoriyasında, əməkdar incəsənət xadimi Ayaz Salayevin "Ağ-qara gecələr" filmi isə "Sərhədsiz film" kateqoriyasında təqdim edilib.

Azərbaycanlı rejissor Novruz Hikmətin "Sakura" filmi isə dekabrın 12-dən 15-dək Bişkekdə keçiriləcək "Qırğızıstan - qısametrajlı filmlər ölkəsi" III Beynəlxalq kino festivalında nümayiş olunacaq.

Azərbaycan və Ukrayna kinematoqraflarının birgə lentə aldıqları "Sakura" qısametrajlı filmi iki insanın narahatlığından, onların hisslərindən, həyəcanlarından, arzu və istəklərindən bəhs edir.

Azərbaycan.-2013.-11 dekabr.-S.8.