Avropaya inteqrasiya Beynəlxalq Gənclər Forumunun

iştirakçıları Ombudsman Aparatında olmuşlar

Xəbər verdiyimiz kimi, Azərbaycan Gənclərinin Avropaya İnteqrasiyası Təşkilatı (AGAT) Azərbaycan Respublikasının Prezidenti yanında Gənclər Fondunun dəstəyi ilə Avropaya inteqrasiya Beynəlxalq Gənclər forumu keçirmişdir.

AGAT-dan AzərTAc-a bildirilmişdir ki, forum iştirakçıları Azərbaycanın İnsan Hüquqları üzrə Müvəkkili Aparatında olmuşlar.

Ombudsman Elmira Süleymanova ilə keçirilən görüşdə Azərbaycanda insan hüquqlarının qorunması, ölkəmizin bu sahədə konvensiyalara qoşulması barədə məlumat verilmiş, eyni zamanda, hüquqları pozulmuş qaçqın və məcburi köçkünlər haqqında söhbət açılmış, Ermənistanın BMT qətnamələrinə əməl etməməsi təəssüflə qeyd olunmuşdur.

Xatırladaq ki, forumda Fransa, Almaniya, İsveçrə, Türkiyə, Böyük Britaniya, Polşa, İspaniya, Ukrayna, Gürcüstan və Macarıstandan gənc fəallar iştirak etmişlər.

Azərbaycan.-2013.- 15 dekabr.- S.4.