İspaniyada ümummilli
lider Heydər Əliyevin xatirəsi
anılmışdır
İspaniyada ümummilli lider Heydər Əliyevin xatirəsinə həsr olunmuş anım mərasimi keçirilmişdir.
AzərTAc xəbər
verir ki, "Evsen" şirkətlər
qrupunun təşkilatçılığı
və Azərbaycanın
İspaniyadakı səfirliyinin
dəstəyi ilə keçirilən mərasimdə
İspaniya hökumətinin,
parlamentinin üzvləri,
20-dən artıq ölkənin
səfirləri, ispan ictimaiyyətinin, işgüzar
dairələrinin, Azərbaycan
diasporunun nümayəndələri,
bu ölkədə təhsil alan tələbələrimiz iştirak
etmişlər.
Mərasimdə çıxış edən "Evsen" şirkətlər qrupunun prezidenti Əli Evsen ulu öndər Heydər Əliyevin həyat və fəaliyyəti haqqında iştirakçılara ətraflı məlumat vermişdir. Bildirilmişdir ki, Heydər Əliyev müstəqil Azərbaycan dövlətinin xilaskarı olmaqla yanaşı, həm də onun qurucusudur. Ümummilli liderin səyləri, uzaqgörən siyasəti nəticəsində qurulmuş müstəqil dövlətimizin hazırda əmin əllərdə olduğunu deyən Əli Evsen qeyd etmişdir ki, bu gün Prezident İlham Əliyevin uğurlu siyasəti sayəsində Azərbaycanın nailiyyətləri dünya ölkələrinə nümunə göstərilir. Bütün bu uğurlar ərazilərimizin Ermənistan tərəfindən işğalının davam etdiyi bir şəraitdə baş vermişdir.
Azərbaycanın İspaniyadakı səfiri Altay Əfəndiyev ulu öndər Heydər Əliyev dühası barədə fikirlərini bildirmiş, ümummilli liderin xarici siyasət konsepsiyası haqqında söz açmışdır. Diqqətə çatdırılmışdır ki, bu gün Prezident İlham Əliyev tərəfindən uğurla davam etdirilən siyasi kursun nəticəsində hazırda Azərbaycan dünya miqyasında nüfuzlu dövlətə çevrilmişdir.
Səfir İspaniya-Azərbaycan əlaqələrinin
inkişafına da Heydər Əliyevin böyük töhfələr
verdiyini vurğulamışdır.
Tədbirdə "DIPLOMACIA-Siglo
veinte uno" adlı jurnalın Azərbaycana, ümummilli lider Heydər Əliyevin 90 illik yubileyinə həsr olunan buraxılışı
və son 10 ildə ölkəmizin nailiyyətlərindən
bəhs edən broşürlər qonaqlara
təqdim edilmişdir.
Sonra Qurani-Kərimdən ayələr oxunmuşdur.
Daha sonda ümummilli liderin həyat və fəaliyyətindən
bəhs edən sənədli film nümayiş
etdirilmişdir.
Azərbaycan.-2013.-15 dekabr.-S.4.