Azərbaycan və Rusiya arasında hüquqi
sahədə
əməkdaşlığın inkişaf
perspektivləri müzakirə
olunmuşdur
Dekabrın
13-də Azərbaycan Respublikasının
baş prokuroru Zakir Qaralov ölkəmizdə
səfərdə olan
Rusiya Federasiyası İstintaq Komitəsinin sədri Aleksandr Bastrıkin ilə görüşmüşdür.
Baş Prokurorluğun mətbuat xidmətindən bildirmişlər
ki, görüşdə
iki ölkə arasında hüquqi sahədə əlaqələrin
getdikcə inkişaf etdiyini vurğulayan Z.Qaralov ölkəmizdə
son illərdə sosial-iqtisadi
və ictimai-siyasi sahələrdə ardıcıl
və sürətli inkişafa zəmin yaradan məhkəmə-hüquq
islahatlarının həyata
keçirildiyini vurğulamışdır. Dövlətlərimizin
başçılarının siyasi iradələri
və qarşılıqlı səfərləri nəticəsində
ölkələrimiz arasındakı münasibətlərin daha da genişləndiyini qeyd edən baş prokuror bu müsbət
inkişafın hüquqi sahədə əməkdaşlıqda
da müşahidə olunduğunu
bildirmişdir.
Aleksandr Bastrıkinin 2008-ci ildə
Azərbaycana səfəri
çərçivəsində ikitərəfli münasibətlərin
daha da inkişaf
etdirilməsi istiqamətində
əldə olunan nailiyyətləri qonağın
diqqətinə çatdıran
Z.Qaralov həmin görüşün məntiqi
nəticəsi kimi,
2010-cu il sentyabrın
28-də tərəflər arasında imzalanmış
Əməkdaşlıq Proqramının
ölkələrimizin hüquq-mühafizə
orqanları üçün
mühüm əhəmiyyət
daşıdığını, qarşılıqlı səmərəli
münasibətlərin və
hüquqi əməkdaşlığın
inkişafına töhfə
verdiyini bildirmişdir.
Rusiyanın Azərbaycan ilə hüquqi sahədə əməkdaşlığın möhkəmləndirilməsinə xüsusi diqqət yetirdiyini deyən Aleksandr Bastrıkin iki ölkənin istintaq orqanları arasında əlaqələrin
inkişafına təkan
verildiyini, münasibətlərin
dərinləşməsi üçün
böyük perspektivlərin
olduğunu bildirərək
qarşılıqlı səmərəli
əlaqələrin daha
da genişlənməsində
maraqlı olduğunu vurğulamışdır.
Görüşdə hər iki ölkə vətəndaşlarının hüquq və azadlıqlarının qorunması,
cinayətkarlığa, o cümlədən
terrorçuluq və ekstremizmə qarşı birgə mübarizə sahəsində geniş fikir mübadiləsi aparılmışdır. Həm ikitərəfli,
həm də beynəlxalq təşkilatlar çərçivəsində
qarşılıqlı fəaliyyətin səmərəliliyindən,
hüquqi əməkdaşlıq sahəsində
mövcud müqavilə bazasının təkmilləşdirilməsindən
danışılmış, tərəfləri
maraqlandıran məsələlər müzakirə olunaraq
qarşılıqlı münasibətlərin bundan sonra da
uğurla davam etdiriləcəyinə
əminlik bildirilmişdir.
Azərbaycan.-2013.-14
dekabr.-S.3.