Azərbaycan Respublikasının 2014-cü
il dövlət büdcəsi haqqında
Azərbaycan
Respublikasının Qanunu
Azərbaycan Respublikasının Milli Məclisi Azərbaycan Respublikası Konstitusiyasının 95-ci maddəsinin I hissəsinin 5-ci bəndini rəhbər tutaraq qərara alır:
Maddə 1. Azərbaycan Respublikasının 2014-cü il dövlət büdcəsinin gəlirləri 18 384 000,0 min manat, xərcləri 20 063 000,0 min manat (o cümlədən, mərkəzləşdirilmiş gəlirləri 17 601 576,0 min manat, yerli gəlirləri 782 424,0 min manat və mərkəzləşdirilmiş xərcləri 18 433 551,0 min manat, yerli xərcləri 1 629 449,0 min manat) məbləğində təsdiq edilsin.
Maddə 2. Azərbaycan Respublikasının 2014-cü il dövlət büdcəsinin gəlirləri mədaxil mənbələri üzrə aşağıdakı məbləğlərdə nəzərdə tutulsun:
Maddə 3.
Müəyyən edilsin ki,
“Avtomobil Yolları” Məqsədli Büdcə
Fondu və “Dövlət zəmanəti ilə
alınan borcların Təminat Fondu”
dövlət büdcəsinin aşağıdakı mədaxil
mənbələri hesabına formalaşır:
Maddə 4. Azərbaycan Respublikasının
2014-cü il dövlət büdcəsinə vergi
daxilolmaları Azərbaycan Respublikasının Vergi Məcəlləsi
ilə müəyyən olunmuş vergi dərəcələrinə
uyğun olaraq hesablanır.
Maddə 5. Azərbaycan Respublikasında
istehsal edilən və qiymətləri tənzimlənən məhsulların
ixracı zamanı məhsulların kontrakt (satış) qiyməti
ilə (ixracla bağlı xərclər
çıxılmaqla) ölkədaxili topdansatış qiyməti
arasındakı fərqdən dövlət büdcəsinə
30 faiz həcmində yığım tutulur.
Müəyyən
edilsin ki, 2014-cü il və növbəti illərdə bu
yığım üzrə hesabat dövrü təqvim
ayı sayılır. Yığım hesabat dövründən
sonrakı ayın 20-dən gec olmayaraq dövlət büdcəsinə
ödənilir və yığımı həyata keçirən
təşkilatlar tərəfindən müvafiq icra hakimiyyəti
orqanına onun müəyyən etdiyi formada hesabat təqdim
edilir. Yığımların vaxtında ödənilməməsinə,
azaldılmasına, yayındırılmasına və
hesabatın müəyyən edilmiş müddətdə təqdim
edilməməsinə görə Azərbaycan
Respublikasının Vergi Məcəlləsinə uyğun
olaraq faizlər hesablanır və ya maliyyə sanksiyası tətbiq
edilir.
Maddə 6. Azərbaycan Respublikasının
2014-cü il dövlət büdcəsinin mərkəzləşdirilmiş
gəlirləri aşağıdakı mənbələrdən
göstərilən normativlər üzrə ayırmalar
hesabına formalaşır:
Maddə 7. Şəhər və
rayonların yerli gəlirlərinə
aşağıdakılar verilir:
7.1.
Bakı şəhəri üzrə (“Avtomobil Yolları” Məqsədli
Büdcə Fonduna aid edilənlərdən və dövlət
büdcəsinin yerli xərclərindən maliyyələşən
büdcə təşkilatlarının ödənişli
xidmətlərindən daxilolmalarından başqa) - Bakı
şəhəri üzrə gəlirlərin 3,44 faizi;
7.2.
Digər şəhər və rayonlar üzrə (“Avtomobil
Yolları” Məqsədli Büdcə Fonduna aid edilənlərdən
başqa) - müvafiq şəhər və rayonlar üzrə
gəlirlərin 100 faizi, habelə şəhər və
rayonların ərazilərində fəaliyyət göstərən
və mərkəzləşmiş qaydada vergi uçotunda
olan vergi ödəyicilərinin hesablanmış vergiləri.
Maddə 8. Azərbaycan Respublikasının
2014-cü il dövlət büdcəsinin xərcləri
funksional təsnifatın bölmə və köməkçi
bölmələri səviyyəsində
aşağıdakı məqsədlərə yönəldilir:
Maddə 9. Azərbaycan Respublikasının
2014-cü il dövlət büdcəsinin xərcləri
funksional və iqtisadi təsnifatın paraqrafları səviyyəsində
bu Qanunun əlavəsində verilmiş məbləğlərdə
təsdiq edilsin.
Maddə 10. Azərbaycan
Respublikasının şəhər və rayonları üzrə
gəlirlər 7.102.000.000,0 manat, o cümlədən şəhər
və rayonların yerli gəlirlərinə aid olan məbləğ
779.454.00,0 manat, “Avtomobil Yolları” Məqsədli Büdcə
Fonduna aid olan məbləğ 85.000.000,0 manat, yerli xərcləri
1.626.479.000,0 manat olmaqla, yerli gəlir və xərcləri tənzimləmək
üçün mərkəzləşdirilmiş xərclərdən
ayrılan vəsait 847.025.000,0 manat təsdiq edilsin.
Həmin
şəhər və rayonların dövlət büdcəsinin
yerli xərclərindən maliyyələşən büdcə
təşkilatlarının ödənişli xidmətləri
üzrə gəlirləri 2.970.000,0 manat, xərcləri
2.970.000,0 manat təsdiq edilsin.
Maddə 11. Bu Qanunun 10-cu maddəsi
ilə Bakı şəhəri üzrə nəzərdə
tutulmuş xərclərin tənzimlənməsi müvafiq
icra hakimiyyəti orqanı tərəfindən bu Qanunun 6.1-ci və
7.1-ci maddələri ilə müəyyən edilmiş
Bakı şəhəri üzrə gəlirlərdən
dövlət büdcəsinin mərkəzləşdirilmiş
gəlirlərinə və Bakı şəhəri üzrə
yerli gəlirlərə ayırma normativlərinin müvafiq
olaraq 2 faiz-bənddən çox olmamaqla artırılması
və azaldılması yolu ilə həyata keçirilir.
Maddə 12. Azərbaycan
Respublikasının 2014-cü ildə dövlət daxili və
xarici borcları üzrə ödəniş məbləğləri
aşağıdakı kimi təsdiq edilsin:
Maddə 13. Azərbaycan
Respublikasının 2014-cü il üzrə daxili dövlət
borclanmasının yuxarı həddi (limiti) 1 200 000,0
min manat, xarici
dövlət borclanmasının yuxarı həddi
(limiti) 2 000 000,0 min manat təsdiq
edilsin.
Maddə 14. Dövlət büdcəsinin
icrası prosesində “Büdcə sistemi haqqında” Azərbaycan
Respublikası Qanununun 7-ci maddəsinə müvafiq olaraq
müdafiə olunan xərc maddələri ilk növbədə,
digər xərc maddələri isə dövlət büdcəsinin
gəlirləri və kəsirinin maliyyələşmə mənbələri
üzrə daxilolmaların vəziyyətindən asılı
olaraq maliyyələşdirilir.
Maddə 15. Dövlət büdcəsi kəsirinin yuxarı həddi 1 679 000,0 min
manat məbləğində təsdiq edilsin. Onun maliyyələşdirilməsi
özəlləşdirmədən və daxili və xarici
borclanmadan, o cümlədən xaricdə qiymətli
kağızların yerləşdirilməsindən, xarici
qrantlar və 2014-cü il 1 yanvar tarixinə dövlət
büdcəsinin vahid xəzinə hesabının
qalığı hesabına həyata keçirilsin.
Maddə 16. Azərbaycan
Respublikasının 2014-cü il icmal büdcəsinin xərclərinin
yuxarı həddinin məbləği 24 443 890,2 min manat müəyyən edilsin.
Maddə 17. Azərbaycan
Respublikası Dövlət Neft Fondunun gəlirləri nəzərə
alınmadan, Azərbaycan Respublikasının 2014-cü il icmal
büdcəsinin kəsiri 14 084 994,8 min manat məbləğində
müəyyən edilsin.
Maddə 18. Bu Qanun 2014-cü il
yanvarın 1-dən qüvvəyə minir.
İlham ƏLİYEV,
Azərbaycan Respublikasının Prezidenti
Bakı şəhəri, 22 noyabr
2013-cü il
Azərbaycan.-2013.- 20 dekabr.- S.4.