Azərbaycanın Litvadakı səfiri «2013-cü ilin səfiri» elan edilmişdir

Dekabrın 17-də Litva Respublikasının "İNFOBALT" Assosiasiyası tərəfindən ilin yekunu ilə bağlı təşkil olunmuş mərasimdə Litva və Azərbaycan arasında informasiya-kommunikasiya texnologiyaları (İKT) sahəsində əməkdaşlığın inkişafında göstərdiyi fəaliyyətə görə ölkəmizin Litvadakı səfiri Həsən Məmmədzadə "2013-cü ilin səfiri" elan edilmişdir.

1994-cü ildə təsis olunmuş "İNFOBALT" Assosiasiyası milli informasiya-kommunikasiya texnologiyaları sektorunu təmsil edir. "İNFOBALT" Litvanın 138 İKT şirkətini və təlim müəssisələrini birləşdirir. Bu müəssisə və təşkilatlarda İKT sahəsinin 10 minə yaxın mütəxəssisi çalışır.

Assosiasiya informasiya cəmiyyətinin inkişafının, ixracın təşviqi, komitə və tərəfdaşlıq proqramının həyata keçirilməsi, layihə fəaliyyəti, beynəlxalq və milli əməkdaşlıq istiqamətində fəaliyyət göstərir.

Nigar CƏFƏRLİ,

AzərTAc-ın xüsusi müxbiri

Vilnüs

Azərbaycan.-2013.- 20 dekabr.- S.14.