Nyu-Meksiko ştatının Nümayəndələr
Palatası da Xocalı
faciəsini tanımışdır
Yanvarın
31-də Nyu-Meksiko ştatının Nümayəndələr
Palatası da Xocalı faciəsini tanımaq barədə qətnamə
qəbul etmişdir. Ştatın qanunvericilik orqanının
aşağı palatasında qəbul olunan qətnamənin
müəllifi Nümayəndələr Palatasının
üzvü xanım Debbi Rodelladır.
Qətnamədə
deyilir ki, 1992-ci il fevralın 25-26-da Azərbaycanın
Xocalı şəhərinin işğalı zamanı erməni
silahlı qüvvələrinin dinc əhaliyə qarşı
törətdiyi qırğın nəticəsində 600-dən
çox insan həyatını itirmiş, mindən artıq
azərbaycanlı yaralanmış, 1200-dən çox adam
girov götürülmüşdür.
Sənəddə
qeyd edilir ki, meyitlərin təhqir olunması, eybəcər
hala salınması qırğının vəhşiliklə
törədildiyini təsdiq edir. Bu qırğına beynəlxalq
təşkilatlar da münasibət bildirmişlər.
Xəbər
verdiyimiz kimi, yanvarın 28-də Nyu-Meksiko ştatının
Senatı da Xocalı faciəsini tanımışdır. Beləliklə,
Nyu-Meksiko ilk ştatdır ki, parlamentinin hər iki palatası
Xocalı faciəsini tanımışdır.
Xatırladırıq
ki, Xocalı faciəsi Texasın, Nyu-Cersinin, Corcianın, Meynin
qanunvericilik orqanları tərəfindən
tanınmışdır.
Yusif BABANLI,
AzərTAc
Vaşinqton
Azərbaycan.-2013.- 2 fevral.- S.7.