İslam Əməkdaşlıq Təşkilatının
Qahirədə keçirilən XII zirvə toplantısı çərçivəsində
Azərbaycanın xarici işlər naziri qırğızıstanlı
həmkarı ilə görüşmüşdür
Qırğızıstan
Xarici İşlər Nazirliyi mətbuat xidmətinin
yaydığı məlumata görə, İslam Əməkdaşlıq
Təşkilatının Qahirədə keçirilən XII
zirvə görüşü çərçivəsində
Qırğızıstanın xarici işlər naziri Erlan
Abdıldaev Azərbaycanın xarici işlər naziri Elmar Məmmədyarovla
görüşmüşdür.
Məlumatda
deyilir ki, tərəflər ölkələrimiz arasında
ikitərəfli və çoxtərəfli formatda əlaqələrin
dərinləşdirilməsi, yüksək səviyyədə
görüşlərin keçirilməsi,
Qırğızıstan-Azərbaycan Hökumətlərarası
Komissiyanın növbəti iclasının keçirilməsi
vaxtının dəqiqləşdirilməsi məsələlərini
müzakirə etmişlər. Danışıqlar zamanı
ölkələrimiz arasında ticarət-iqtisadi, mədəni-humanitar
sahələrdə əlaqələrin genişləndirilməsinin
vacibliyi vurğulanmışdır.
Görüşdə
böyük qırğız yazıçısı
Çingiz Aytmatovun 85 illik yubileyinin birgə keçirilməsi
istiqamətində də müzakirə
aparılmışdır.
Məlumatda
deyilir ki, tərəflər Qırğızıstan ilə Azərbaycan
arasında əməkdaşlığın fəallaşdırılması
istiqamətində də geniş fikir mübadiləsi
aparmışlar.
Qulu
KƏNGƏRLİ,
AzərTAc-ın xüsusi
müxbiri
Bişkek
Azərbaycan.-2013.- 8 fevral.- S.2.