Tanınmış amerikalı jurnalist Con Kelli Azərbaycanı «Baku» jurnalı vasitəsilə kəşf etdiyini yazır

ABŞ-ın "The New York Times" jurnalında tanınmış jurnalist Con Kellinin "Baku" jurnalının son nömrəsindən öyrəndiyim məlumatlar" sərlövhəli məqaləsi dərc edilmişdir.

Müəllif bildirir ki, "The New York Times" jurnalının müxbiri Peter Savodnik Bakı ilə bağlı yazdığı məqaləsində bu şəhərin turizm mərkəzinə çevrilmək istiqamətində gördüyü işləri araşdırmışdır. Əslində, bu ideya mən Peterlə "Eurovision" mahnı müsabiqəsi ilə əlaqədar "Bloomberg Businessweek" jurnalında işlədiyimiz vaxt yaranmışdı. 2011-ci ildə "Eurovision" müsabiqəsində qazandığı qələbə Azərbaycanı Avropaya daha da yaxınlaşdırmaq üçün gözəl fürsət idi. Əlbəttə, bu ölkə istəyinə nail ola bildi.

Con Kelli yazır: "Ötən həftə "The New York Times" jurnalının redaktoru Huqo Lindqren mənə zəng edərək soruşdu: "Sən Cason Binn tərzində nəşr olunan "Baku" jurnalını görmüsənmi?". Doğrusu, Bakının "Hamptons" və ya "Capitol File" tərzində jurnalı olduğunu eşitmək məni çox təəccübləndirdi. "Baku" jurnalının son nömrəsi ilə tanışlıq zamanı gördüm ki, təəccüblənməyim əbəsdir. Bu nəşrin yüksək keyfiyyətə malik olması da diqqətimdən yayınmadı. Hətta mən deyərdim ki, bu jurnal "Hamptons"dan daha üstün sayıla bilər.

Jurnalın son nömrəsini oxumaqla Bakı haqqında öyrəndiklərim mənim üçün çox maraqlı oldu. Məsələn, mən Azərbaycanın 17 yaşadək qadınlar arasında dünya çempionatına ev sahibliyi etməsini öyrəndim. Əhalisinin əksəriyyətini müsəlmanların təşkil etdiyi bir ölkədə bu yarışların keçirilməsi mənim həqiqətən də çox böyük marağıma səbəb oldu. Jurnalda Bakının qış mənzərələri arasında məşhur geyim markalarını nümayiş etdirən modellərin təsvir edildiyi şəkillər olduqca möhtəşəm və heyrətamizdir. Bu nəşrdə mən, həmçinin Kaliforniya Universitetinin məşhur bakılı alimi Lutfi Zadə barədə geniş məqalə də oxudum. Mənə, həmçinin məlum oldu ki, Bakı brend mağazaların fəaliyyət göstərdiyi çox zəngin şəhərdir. Dünya şöhrətli müğənni Cenifer Lopez də Bakıya səyahət etmiş, şəhəri çox bəyənmişdir. C.Lopez Bakı haqqında belə demişdir: "Qaldığım hoteldən möhtəşəm mənzərənin şahidi oldum. Bu, həqiqətən də qeyri-adidir. "Alov qüllələri" olduqca gözəldir. Xalça bükülüsünə bənzər tikilmiş Milli Xalça Muzeyi isə əsrarəngizdir".

Con Kelli məqaləsində möhtəşəm Heydər Əliyev Mərkəzindən də bəhs edir.

AzərTAc

Azərbaycan.-2013.- 10 fevral.- S.6.