Əkrəm Naibov
xalqına qarşı işlətdiyi günahı heç vaxt silə
bilməyəcək
Əkrəm Naibovun Rusiyada "Drujba narodov" jurnalında dərc edilmiş "Kamennıe snı" ("Daş yuxular") romanını oxuyandan sonra hər bir azərbaycanlı kimi, mənim də içimdə bu cür suallar baş qaldırdı: görəsən, niyə əsərin çapolunma vaxtı məhz Xocalı soyqırımının bütün dünyaya çatdırılması və tanıdılması istiqamətində səylərin ciddi surətdə artdığı bir vaxta düşüb? Əkrəmin Azərbaycan və Türkiyənin milli maraqlarına zərbə vurmaq istəyi haradan qaynaqlanır? Nə üçün yazıçı müqəddəs islam dininə qarşı bu cür aqressiv mövqedədir?
Zənnimcə, yuxarıda sadalanan sualların bir cavabı var: erməni məkrinin təəssübkeşliyi! Ə.Naibov bu əsərində xalqımızın erməni qəsbkarlarına qarşı mübarizə tarixini, dəfələrlə deportasiyaya məruz qalmış qərbi azərbaycanlıların şəxsiyyətlərini ("yerazı" - "yerazlar", "sukinı deti bejensı" - "it uşağı qaçqınlar") təhqir edir, qatili məzlum, qurbanı qatil qismində təsvir etməyə çalışır, "ermənilər yox, biz özümüz pisik" deyir.
Əlbəttə, xalq yazıçısı adını daşıyan adam erməni xalqını böyütməkdən ötrü öz xalqını bu qədər təhqir etməli deyildi, çünki hər hansı xalqa mənsub olan yazıçı ilk əvvəl o xalqın dəyərləri və adət-ənənələri, istəkləri və arzuları ruhunda yazıb-yaratmağa meyilli olmalıdır. Məhz sosial-mədəni özünəməxsusluq, tarixi mənşə ümumiliyi mədəniyyət nümunələri vasitəsilə milli həyata möhkəm daxil olaraq milli mənsubiyyət hissinin daha da güclənməsinə səbəb olur. Əkrəmin "Daş yuxular"ında isə biz bunun tərsini görürük: xalqımızın milli dəyərlərinə və müqəddəsliyinə aid hər nə varsa, əsər müəllifinin təhqiramiz və kinayəli ifadələri ilə alçaldılır.
Ə.Naibov unudur ki, əsər sadəcə yaradıcılıq məhsulu deyil. Hər hansı bir əsər bəşəri dəyərləri, sivilizasiyalararası dialoqu təbliğ etməklə millətlərarası ünsiyyətin dərinləşməsinə də səbəb ola bilər (məsələn, Elçin Əfəndiyevin "Mahmud və Məryəm" əsəri), irqçilik və qatı millətçilik ideyalarının təbliğ edilməsi ilə milli-etnik münaqişələrə və müharibələrə də səbəb ola bilər (məsələn, Hitlerin "Mənim mübarizəm" kitabı). Erməni Zori Balayanın "Ocaq" əsəri Dağlıq Qarabağdakı ermənilərin "Miatsum" (Azərbaycan torpaqları hesabına "birləşmiş erməni dövləti"nin yaradılması ideyası) hərəkatının ideoloji platformasına çevrildi. Silva Kaputikyanın şeirləri Qarabağ ermənilərini "milli-azadlıq mübarizəsi" adı ilə Azərbaycanın mərkəzi hakimiyyətinə qarşı terrorçuluğa səslədi.
Əkrəmin özü yaxşı başa düşür ki, əsərin bəşəriliyi onun xəlqiliyindən doğur. Xəlqi olmayan əsər bəşəri ola bilməz. Yazıçılıq sadəcə üslubdan ibarət deyil, başlıca olaraq oxuculara həqiqəti çatdırmaqdır. Əgər Əkrəm ermənilərin 1905-1906, 1918-1920, 1988-1993-cü illərdə azərbaycanlılara qarşı həyata keçirdikləri məkrli, sistemli və kütləvi soyqırımlarını (yeri gəlmişkən, dünyada assurilərdən sonra insanların dərisini diri-diri soyan yeganə azğın kütlə ermənilərdir), Quba məzarlığını görmək istəmirsə, əvəzində öz doğma yurd-yuvalarından başaçıq, ayaqyalın didərgin salınan, gözünün qarşısında əzizlərinə dağ çəkilmiş, süngülənmiş soydaşlarımızın (Zori Balayanın türk, Ə.Naibovun "yeraz", "qancıq balaları" adlandırdığı insanların) Sumqayıtda 32 nəfərin ölümü ilə nəticələnən kinini və qəzəbini görürsə, buna "yaradıcı" yox, "xəstə təxəyyül" demək lazımdır.
Əkrəm müqəddəs islam dinini təhqir etmək üçün bir şeytan addımı atdı. Romanda surətlərin birinin dili ilə deyilir: "Necə yəni, sizin peygəmbər Allahdan ağıllıdır? Əgər insanda nə isə artıq olsaydı, məgər Allah kor idi bunu görməsin? Necə ola bilər ki, Allah sifəti, gözləri, burnu, qulağı yaradanda səhv etmədi, hər şeyi qaydasında etdi, lənət şeytana, həmin yerə gəlib çatanda isə məktəbli kimi (Allahı da təhqir edir - C.H.) səhvə yol verdi... Oğlu atasının ona qarşı etdiyini (sünnəti - C.H.) fiziki zor, qəddarlıq və mənasız bir vəhşilik kimi qavramışdı".
Romanda Bakı
dünyanın ən pis yeri hesab
edilir. Surətlərin
birinin dili ilə deyilir: "Bir dəfə atam səhv edib məni bura (Bakıya) gətirdi. Özüm də ondan betər səfehlik etdim, Moskvadan bura gəldim". Doğulduğu kəndi isə
Əkrəm Naibov ruhi əsəb dispanseri kimi təsvir edir. Burada hər iki evdən
birində ruhi xəstə vardır, çünki onlar günahsız qətlə
yetirilmiş ermənilərin
evlərini qəsb ediblər, halallıqlarını
almadan orada yaşadıqlarından bu
"məzlum" xalqın
ruhu onları rahat buraxmır.
Görəsən, o zaman
Dağlıq Qarabağ
ərazisində yaşayan
80 minlik erməni əhalisi Azərbaycanda milli-mədəni muxtariyyətlə
təmin ediləndə,
Ermənistanda yaşayan
350 minlik azərbaycanlı
əhalisinə isə
heç bir milli status verilməyəndə
Əkrəmin ruhu rahat idimi?
"Daş yuxular"da Azərbaycan qadınlarının Əylisdəki
qadınların timsalında
nə qədər tənbəl, biganə, ürəksiz olmasının,
ananın cehizsiz gəldiyinə görə
öz gəlinini evdən qovmasının, əksinə, erməni qadın Haykanuşun nəzakətli, humanist, mehriban
olmasının və
yetim Camalın qayğısına qalmasının,
hətta onun başının bitini dırnağı ilə dərindən təmizləməsinin
təsvir edilməsi
roman müəllifinin millətimizin xarakterinə və səviyyəsinə
böhtanının göstəricisidir.
Əkrəm Naibovun yadına bunları salmaq istəyirəm: Azərbaycan qadını tarix boyu öz
ağlı, namusu, qeyrəti, isməti, fədakarlığı,
çalışqanlığı, mərdliyi, millətinə,
torpağına olan hədsiz məhəbbəti
və gözəlliyi
ilə tanınmışdır.
Mənəvi-əxlaqi keyfiyyətləri
ilə daim seçilmiş Azərbaycan
qadını bu gün də öz məziyyətləri ilə
bəşəri idealların
təntənəsinə xidmət
edir. Yüksək mənəvi sifətlərlə
səciyyələnən gözəl
qadın obrazlarının
bədii təsviri xalq yaradıcılığı
nümunələrində, qədim rəvayət və dastanlarımızda
da öz əksini tapmışdır.
Ermənilərin hansı
mental xüsusiyyətlərə malik olmasını isə onların özünə məxsus olan atalar sözləri
daha aydın şəkildə ifadə
edir: "Sən zurnanı çal, kimin qatırı hürkürsə, qoy hürksün. Evdə kürəkənim ölsün, bayırda gəlinim".
Ə.Naibov Şuşadan gəlmiş
Şahqacar Ərməğanov
(Şah Qacar adı obrazın qəddar və qaniçən olmasına,
Qacar türklərinin
vəhşiliyinə işarədir)
obrazı ilə azərbaycanlıların fizioloji
quruluşuna da rişxənd etməkdən
çəkinmir: "Bu adamın
kvadratabənzər fiqurası
var idi. Kürəyinin diqqət çəkən
eni bütün standartlar çərçivəsindən
çıxırdı. Onun zil qara gur
saçları, eləcə
də qara və sıx qaşları, geniş, gur bığları və qabarıq, mənasız, heç bir şey ifadə
etməyən timsah gözləri vardı".
Əkrəm Naibovun
"Daş yuxular"
əsəri ilə bağlı düşüncələrim
geniş olsa da, təklifim lakonik olacaq, çünki bu məsələ ilə bağlı xalqımızın,
onun düşünən
beyinlərinin (Ə.Naibovun
əsərini oxumağa
vaxt tapmayan, hər situasiyadan iqtidara qara yaxmaq
üçün bəhrələnməyə
çalışan reneqatlar
dəstəsinin) öz
xalqına xəyanət
edən yazıçısına
verdiyi cavabın təmkinli və tutarlı olacağına heç bir şübhəm yoxdur. İstərdim ki, Əkrəm
Naibovun "Daş yuxular" kitabı erməni vəhşiliyini
görmək üçün
Quba məzarlığına
gələnlərin gediş-gəliş
yolunda torpağa basdırılsın.
Ceyhun HÜSEYNOV,
ADAU-nun dosenti,
siyasi elmlər namizədi
Azərbaycan.-2013.-
13 fevral.- S.8.