Gənc dramaturq və rejissorlar laboratoriyası yaradılır
Hər bir xalqın mədəniyyətinin formalaşmasında
teatrın mühüm
rolu var. Ən qədim tarixə malik meydan tamaşalarının
Azərbaycanda qorunub saxlanması məhz bu amilə əsaslanır.
Həyatın güzgüsü
olan teatr tarixlər arasında mədəni və mənəvi körpü olduğundan, onun yaşadılması vacib məsələlərdən
hesab edilir. Milli teatrımızın təşəkkülündən bu günədək keçdiyi yol keşməkeşli olsa da, şərəflidir. Lakin nəsillər dəyişdəkcə tetra münasibət
də fərqlənir.
Köhnəliklə yeniliklər
arasında gedən mübarizə burada da özünü mütləq mənada göstərir.
Teatr Xadimləri İttifaqında
gənc rejissor və dramaturqlardan ibarət yeni laboratoriya fəaliyyətə
başlayıb. Laboratoriyanın
rəhbəri xalq artisti Cənnət Səlimovadır. Yaradıcılıq
laboratoriyasının yaradılmasında
məqsəd ölkədə
rejissorluq sənətinin
nüfuzunu qaldırmaq
və peşəkar kadrlar hazırlamaqdır. Müxtəlif teatr truppalarından gənc rejissorlar, professional fəaliyyətə
başlamaq istəyənlər
bu laboratoriyada cəmləşəcəklər.
Laboratoriyada gənclərə tapşırıqlar
veriləcək. Onlar dramaturqlarla bərabər işləyərək tamaşalar
hazırlayacaq və bunu Teatr Xadimləri
İttifaqının səhnəsində
nümayiş etdirəcəklər.
Xalq artisti, Azərbaycan Teatr Xadimləri İttifaqının sədri
Azərpaşa Nemətov
bildirir ki, tarixi və şərəfli yol keçmiş teatrın gələcəyini
təmin etmək
üçün yeni nəslin üzərinə
böyük məsuliyyət
düşür. Ona görə də istədik ki, gənclərin potensialını
üzə çıxarmaq
üçün onları
şəraitlə təmin
edək. Buna görə
də "gənc dramaturq və rejissorların yaradıcılıq
laboratoriyası" yaratmaq
qərarına gəldik:
"...Doğrudur, Teatr
Xadimləri İttifaqında
iki ilə yaxındır ki, "M.F.Axundzadə dərsləri"
keçirilir. Bu da təbii ki, maarifçilik nöqteyi-nəzərdən
gənclərin səhnə
sənətini daha dərindən mənimsəməsində,
mühüm əhəmiyyət
daşıyır. Bugünkü
tədbirin də məqsəd və məramı gənclərin
yaradıcılıq laboratoriyasının
yaradılmasını konkretləşdirməkdir".
Xatırladaq ki, "dəyirmi
masa" xarakteri daşıyan "ilk dərs"də
Gənc Tamaşaçılar
Teatrının gənc
rejissorlarından Kifayət
Məmmədova, Gülnar
Nağıyeva, YUĞ-dan
Aytən Məmmədova,
Şuşa Dövlət
Teatrından Elşən
Zeynalov, Pantomimo Teatrından Nargilə Qəribova, Ceyhun Dadaşov və Bəhruz Vaqifoğlu ilə yanaşı, gənc dramaturqlar (Şəbnəm Xeyrulla, Arzu Soltan, Yasmina
Məlikova, İsmayıl
və Asif İmanovlar, Təranə Məmmədova, Ülviyyə
Heydərova) da iştirak etdilər.
Məhəmməd NƏRİMANOĞLU
Azərbaycan.-2013.- 23 fevral.- S.7.