Kanadanın Ottava şəhərində Xocalı soyqırımı qurbanlarının xatirəsi yürüş ilə anılmışdır

Fevralın 22-də Kanadanın Ottava şəhərində Xocalı soyqırımının 21-ci ildönümü ilə əlaqədar yürüş keçirilmişdir.

Kanada parlamentinin qarşısından başlayaraq, Ermənistanın Ottavadakı səfirliyinədək davam edən yürüşdə Ottava, Monreal, Toronto və Vaterloo şəhərlərində yaşayan soydaşlarımız, eləcə də həmin şəhərlərin universitetlərində təhsil alan azərbaycanlı tələbələr iştirak etmişlər.

Yürüş zamanı 1992-ci il fevralın 26-da Xocalıda erməni hərbçiləri tərəfindən azərbaycanlılara qarşı törədilmiş cinayətlər və 1988-ci ildən davam edən işğala qarşı şüarlar səsləndirilmiş, Xocalı soyqırımı ilə bağlı yaddaş qeydləri paylanılmışdır. Yürüş iştirakçıları Ermənistan tərəfindən həyata keçirilən işğalçı siyasətə son qoyulmasını tələb etmiş, Kanada parlamentini Xocalı qətliamına hüquqi və siyasi qiymət verməyə çağırmışlar.

AzərTAc

Azərbaycan.-2013.- 24 fevral.- S.4.