Azərbaycan BMT İnsan
Hüquqları Şurasının 22-ci sessiyasının Yüksək Səviyyəli
Seqmentində təmsil olunmuşdur
BMT
İnsan Hüquqları Şurasının 22-ci
sessiyasının Yüksək Səviyyəli Seqmentində Azərbaycan
xarici işlər nazirinin müavini Xələf Xələfovun
rəhbərlik etdiyi nümayəndə heyəti ilə təmsil
olunmuşdur.
Xarici
İşlər Nazirliyinin mətbuat xidmətindən AzərTAc-a
bildirmişlər ki, Xələf Xələfov Azərbaycan ilə
BMT İnsan Hüquqları Şurası arasında mövcud əməkdaşlıq
əlaqələri haqqında danışmış və
şuranın universal dövri icmal mexanizmi çərçivəsində
Azərbaycan Respublikası hökumətinin ikinci dövri milli
hesabatına aprelin 30-da baxılacağını
bildirmişdir.
Ermənistanın
Azərbaycana qarşı hərbi təcavüzü,
işğal faktı və onun ağır nəticələri
haqqında tədbir iştirakçılarına ətraflı
məlumat verən X.Xələfov qeyd etmişdir ki, bu günlərdə
xalqımız Xocalı soyqırımının 21-ci
ildönümünü qeyd edir.
Nazir
müavini Xocalı soyqırımının mahiyyətindən,
azərbaycanlılara qarşı törədilmiş kütləvi
qırğının bir sıra ölkələrin parlamentləri
tərəfindən tanınmasından bəhs etmiş və
beynəlxalq tanınmanın ədalətə xidmət edəcəyini
vurğulamışdır. X.Xələfov İnsan
Hüquqları Şurasını Xocalı
soyqırımı ilə bağlı faktların
baxılması və qiymətləndirilməsi məqsədilə
xüsusi komissiya yaratmağa
çağırmışdır.
Səfər
çərçivəsində Xələf Xələfov
Vyetnamın xarici işlər naziri Fam Bin Min və Özbəkistan
Respublikası Milli İnsan Hüquqları Mərkəzinin sədri
Akmal Saidov ilə ikitərəfli görüşlər
keçirmişdir.
Görüşlərdə
ölkələrimiz arasında münasibətlərin
mövcud vəziyyəti və əməkdaşlığın
gələcək perspektivləri, eləcə də
qarşılıqlı maraq doğuran digər məsələlər
müzakirə olunmuşdur.
Azərbaycan.-2013.- 27 fevral.- S.2.