Latviya Seyminin deputatı Xocalı soyqırımının 21-ci ildönümü ilə əlaqədar rəsmi bəyanatla çıxış etmişdir

Azərbaycanın Latviyadakı səfirliyindən verilən məlumata görə, Latviya Respublikası Parlamentinin "Hər şey Vətən üçün" millətçi fraksiyasının üzvü, Azərbaycan-Latviya Parlamentlərarası Əməkdaşlıq Qrupunun üzvü deputat Romans Naudins Xocalı soyqırımının 21-ci ildönümü ilə əlaqədar rəsmi bəyanatla çıxış etmişdir. Bəyanat ona məxsus rəsmi internet səhifəsində yerləşdirilmişdir.

Bəyanatda (http://www.romansnaudins.lv/viedoklis/ hodzali-tragedija-reta-katra-azerbaidzana-sirdi) deyilir:

"Xocalı faciəsi hər bir azərbaycanlının ürəyində yaradır. Fevralın 26-da Azərbaycanda Xocalı faciəsinin 21 ili tamam olur. 1992-ci il fevralın 26-da gecə yarısına yarım saat qalmış erməni silahlılarının Xocalı şəhərinə hücumu başlamışdır. Hücum vaxtı bir gecənin içərisində 613 nəfər, o cümlədən 106 qadın, 63 uşaq və 70 yaşlı insan həlak olmuş, 25 uşaq hər iki valideynini, 130 uşaq valideynlərindən birini itirmişdir. Faciə gecəsində 1275 insan girov götürülmüşdür.

Bu vəhşi hücumu həyata keçirən insanlar bu günədək cəzalarını almamışlar. Bu qırğını planlaşdırmış və həyata keçirmiş insanlar daha sonra yüksək vəzifələrə irəli çəkilmişlər.

Beynəlxalq ictimaiyyət tərəfindən Azərbaycan Respublikasına dəstək verilməlidir ki, mülki əhaliyə qarşı törədilən vəhşicəsinə hücuma görə cavabdehliyə nail olunsun, günahkarlar məsuliyyətə cəlb edilsinlər. Bu cinayət heç vaxt unudula bilməz".

Nigar HÜSEYNOVA,

AzərTAc-ın xüsusi müxbiri

Riqa

Azərbaycan.-2013.- 28 fevral.- S.11.