"Kənd təsərrüfatı məhsulları istehsalçılarının toxum, gübrə və damazlıq heyvanları ilə təmin edilməsinə əlavə dəstək verilməsi ilə əlaqədar bəzi məsələlər barədə" Azərbaycan Respublikası Nazirlər Kabinetinin 2008-ci il 22 sentyabr tarixli 226 nömrəli qərarında dəyişikliklər edilməsi haqqında

Azərbaycan Respublikasının Nazirlər Kabineti qərar

№ 186 Bakı şəhəri, 16 iyul 2013-cü il

"Azərbaycan Respublikasının İnzibati Xətalar Məcəlləsində dəyişikliklər edilməsi haqqında" Azərbaycan Respublikasının 2013-cü il 1 fevral tarixli 549-IVQD nömrəli Qanununun tətbiqi haqqında" Azərbaycan Respublikası Prezidentinin 2013-cü il 7 mart tarixli 2771 nömrəli Sərəncamının 1.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti qərara alır:

"Kənd təsərrüfatı məhsulları istehsalçılarının toxum, gübrə və damazlıq heyvanları ilə təmin edilməsinə əlavə dəstək verilməsi ilə əlaqədar bəzi məsələlər barədə" Azərbaycan Respublikası Nazirlər Kabinetinin 2008-ci il 22 sentyabr tarixli 226 nömrəli qərarında (Azərbaycan Respublikasının Qanunvericilik Toplusu, 2008, № 9, maddə 872) aşağıdakı dəyişikliklər edilsin:

1. 2-ci və 3-cü hissələrə "buğda toxumunun" sözlərindən əvvəl "genetik modifikasiya olunmamış" sözləri əlavə edilsin;

2. 4-cü hissəyə "yüksək reproduksiyalı" sözlərindən sonra "və genetik modifikasiya olunmamış" sözləri əlavə edilsin;

3. həmin qərarla təsdiq edilmiş "Buğda toxumunun istehsalı ilə məşğul olan dövlət və özəl toxumçuluq təsərrüfatlarına dövlət vəsaiti hesabına idxal olunan rayonlaşdırılmış yüksək reproduksiyalı buğda toxumunun güzəştli şərtlərlə satılması Qaydaları"nın 1.1-ci bəndinə "yüksək reproduksiyalı" sözlərindən sonra "və genetik modifikasiya olunmamış" sözləri əlavə edilsin;

4. həmin qərarla təsdiq edilmiş "Dövlət vəsaiti hesabına idxal olunan mineral gübrələrin güzəştli şərtlərlə buğda istehsalçılarına satılması Qaydaları"nın 1.1-ci bəndinə "buğda istehsalı" sözlərindən əvvəl "genetik modifikasiya olunmamış" sözləri əlavə edilsin.

Artur RASİ-ZADƏ,

Azərbaycan Respublikasının Baş naziri

Azərbaycan.-2013.- 19 iyul.- S.6.