«Azərbaycan» qəzeti redaksiyasında «Mənziliniz
mübarək» sevinci
Böyük maarifçi Həsən bəy Zərdabi millətin zülmətdən, cəhalətdən gün işığına çıxmasının birinci əlacını mətbuatda görürdü. Daşa bənzətdiyi insan beyinlərini elmlə, irfanla mürur ilə əritmək niyyətində idi. Ona görə də 138 il öncə millətimizin həyatında "Əkinçi" ilə bir işıq yandırdı. Çox şükür, sönmədi o işıq, zaman-zaman zülmətlərlə pərdələnsə də, işıq dediyin özünə bir yol tapıb qaranlıqları aydınlıqlara doğru yarır.
İyulun
22-də o işıq bir çox Azərbaycan jurnalistinin evini,
həyatını da işıqlandırdı, nura qərq
etdi. Sözə, qələmə, insan zehninin məhsuluna böyük dəyər verən ölkə Prezidenti İlham Əliyev
bu dəfə bizim
bayramımıza xəyalımızda belə təsəvvür
etmədiyimiz hədiyyə ilə gəldi. İllər boyu evə ehtiyacı olan
156 jurnalist Prezident tərəfindən
evlə mükafatlandırıldı. Xəyalı
gerçəkləşənlər arasında "Azərbaycan"
qəzetinin beş əməkdaşı da var. Kollektivimiz
neçə gündür ki,
təntənəli bir bayram
əhval-ruhiyyəsindədir. Hər kəs ev
alan iş
yoldaşlarımızı bir dəfə
deyil, bir neçə
dəfə təbrik edib! Dünən bu əlamətdar hadisə və milli mətbuatımızın
yaranmasının 138-ci ildönümü
ilə bağlı redaksiyamızda bayram
şənliyi keçirildi. Qəzetin baş redaktoru,
Milli Məclisin deputatı Bəxtiyar
SADIQOV ev alan əməkdaşlarımızı
gül buketləri ilə təbrik etdi və bildirdi ki, bu ənənə davam edəcəkdir. Çünki
dövlət başçısı bayram
günü mətbuat işçiləri
üçün daha bir binanın təməlini qoydu.
Bu, Azərbaycan Prezidentinin
jurnalistlərin əməyinə verdiyi böyük dəyərdir ki,
dünyada heç bir analoqu yoxdur. Hesab etmək olar ki, Azərbaycan mətbuatının
yaranmasının 140 illiyi daha
da möhtəşəm şəkildə
qeyd olunacaq, bu dəfə jurnalistlərə veriləcək
mənzillərin sayı da xeyli çox olacaq: "Bilirsiniz ki, Azərbaycan müstəqilliyini
qazandıqdan sonra demokratik
inkişaf yolunu tutdu. Təəssüf ki, o dövrdə ölkədə
baş alıb gedən anarxiya,
xaos, qanunsuzluq, hakimiyyət
uğrunda arasıkəsilməz
mübarizə nəinki ölkənin müstəqilliyini qoruyub saxlamağa imkan verdi, əksinə, Azərbaycanı
əvvəlki kimi kiçik
xanlıqlara bölünmək təhlükəsi ilə
üzləşdirdi. 1918-ci ildə yaranan
Azərbaycan Xalq Cümhuriyyətinin taleyinin təkrar olunacağı real idi. Bu
təhlükə xalqın müdrik qərarı
ilə sovuşdu. Ulu
öndər Heydər Əliyev yenidən ölkə rəhbərliyinə
gətirildi. Yalnız bundan sonra müstəqilliyin möhkəmləndirilməsi
yolunda çox cəsarətli
və qətiyyətli addımlar
atıldı. Hər bir sahədəki
durğunluq götürüldü,
ölkədə həyat canlandı, hərəkətə gətirildi.
6 avqust 1998-ci ildə ulu
öndər mətbuat üzərində senzura
nəzarətini ləğv etdi
və müstəqil mətbuatın yaradılması prosesinə
başladı. O vaxt mətbuatın maddi-texniki bazası çox
zəif idi, buna
görə də ulu öndər ilk növbədə qəzetlərin mətbəələrə
olan borclarının ödənməsini
dayandırdı, redaksiyaları əlavə dəyər
vergisindən azad etdi.
İmkan yaratdı ki,
qəzetlər özünə gəlsinlər, inkişaf etsinlər. Dəfələrlə
jurnalistlərlə görüşdü,
yaranmış məmur-jurnalist problemlərində daim jurnalistlərin tərəfini saxladı. Nəticədə
ölkədə mətbuatın inkişafı xeyli irəlilədi.
Ölkə Prezidenti cənab İlham Əliyev ulu öndərin mətbuata qayğısını inkişaf etdirdi. Qəzetlərin mətbəələrə olan borcları dövlət hesabına silindi. 2005-ci ildə "Əməkdar jurnalist" adının bərpa olunması, mətbuat işçilərinə fəxri adların verilməsi, kütləvi informasiya vasitələrinə maliyyə yardımı göstərilməsi haqqında sərəncamlar imzalandı. Azərbaycan mətbuatının yaranmasının 130 illiyi nəinki paytaxtda, bölgələrdə də yüksək səviyyədə qeyd olundu, jurnalistlər fəxri adlarla mükafatlandırıldı, bir neçə jurnalist Prezident təqaüdü ilə sevindirildi. Milli mətbuatın 135 illiyi də dövlət başçısının bir-birindən əhəmiyyətli sərəncamları ilə yadda qaldı. Həmin sərəncamda dövlət başçısı dünyada analoqu olmayan bir addım atdı. Cənab İlham Əliyevin mətbuat işçilərinin sosial müdafiəsinin gücləndirilməsi ilə bağlı sərəncamı ölkə ictimaiyyəti tərəfindən böyük rəğbətlə qarşılandı. Sərəncama uyğun olaraq mətbuat işçilərinin mənzil-məişət şəraitinin yaxşılaşdırılması və onlar üçün yaşayış evlərinin tikilməsi məqsədilə 2010-cu il dövlət büdcəsində nəzərdə tutulmuş Azərbaycan Respublikası Prezidentinin Ehtiyat Fondundan Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fonduna 5 milyon manat vəsait ayrıldı. Nəticə göz önündədir. Çox möhtəşəm bir bina peşə bayramı münasibətilə jurnalistlərin ixtiyarına verildi".
Cənubi Qafqazın parlayan ulduzuna çevrilən Azərbaycan yeni iqtisadi və sosial çağırışların məkanı olmaqla, atdığı riskli və uğurlu addımlarıyla bir çox inkişaf etmiş Avropa ölkələrinə nümunədir. Uğurlarımız yeni hədəflərimizin müəyyənləşdirilməsində stimul rolunu oynayır.
Evlə təmin olunan 5 əməkdaşımızdan biri Rizvan Cəfərovdur. Bundan sonra o, işdən çıxıb kirayə yaşadığı evə deyil, öz şəxsi evinə gedəcək. Rizvan Cəfərov şöhbətə uşaqlıq xatirələrindən biri ilə başladı:
- Düz 43 il bundan öncə - ulu öndər hakimiyyətə gələndən bir il sonra təhsil işçilərinin yaşayış şəraitinin yaxşılaşdırılması üçün onları evlə təmin edirdi. Ev alan müəllim ailələri arasında mənim valideynlərim də vardı. O günlərin sevincini, aradan yarım əsrə yaxın bir vaxtın keçməsinə baxmayaraq, hələ də xatırlayıram. Bu gün ulu öndərin varisi, ölkə Prezidenti, möhtərəm İlham Əliyev Azərbaycan mətbuat işçilərinin bir qrupunu evlə təmin etdi. Onların arasında mən də varam! Bunu yalnız xeyirxahlıq şəcərəsi kimi dəyərləndirmək olar. Dövlət başçısının xeyirxahlığı nəticəsində onlarla jurnalist peşə bayramı günü mənzillə təmin olundu. Mən bundan böyük və dəyərli bir hədiyyə təsəvvür etmirəm! Jurnalistlərin evlə təmin olunmasında vəsilə olan hər bir kəsə minnətdarlığımı bildirirəm.
Əməkdar jurnalist Fərman Bağırov 52 ildir ki, fasiləsiz olaraq mətbuatda çalışır. Bu gün jurnalist peşəsinə verilən dəyərdən böyük sevinclə danışdı:
- Cənab Prezident bizə çox böyük dəyər verdi. Belə bir hədiyyəni biz yalnız arzulaya bilərdik! Ölkə rəhbəri arzularımızı gerçəyə çevirdi, şəhərin ən mənzərəli yerlərindən birində mətbuat işçiləri üçün gözəl bina tikdirdi. Bütün mənzillər rahat, işıqlı və genişdir. Sevincim hədsizdir! Bu, insan əməyinə, zəhmətinə verilən ən böyük dəyərdir ki, dünyanın heç bir yerində onun bənzərini, belə bir xeyirxahlıq nümunəsini tapmaq mümkün deyil! Mən ölkə Prezidenti cənab İlham Əliyevə və bu möhtəşəm binanın tikilib ərsəyə gəlməsində zəhməti olan bütün insanlara hədsiz minnətdaram. Cənab İlham Əliyev gördüyü bütün işlərdə sadə insanların qayğılarını nəzərə alır, onların sosial problemlərini həll etməyə çalışır. Atdığı hər bir addımla sübut edir ki, ona səs verən milyonlarla insan seçimində düzgün olub!
Daşdəmir Tağıyev hələ də ona üçotaqlı mənzilin verilməsinin gerçək olduğuna inana bilmir, amma əslində o da xəyalı gerçəkləşən iş yoldaşlarımızdan biridir:
- Ömrüm boyu öz evimin arzusunda olmuşam, həmişə də təəssüf hissi ilə özlüyümdə etiraf etmişəm ki, bu məsələni çətin ki həll edə bilim! Ona görə də bu günün səadətinə inanmaqda çətinlik çəkirəm! Əslində maaşımla ev almaq mümkünsüz idi! Cənab Prezident elə savab iş görüb ki, keçirdiyim hissləri ifadə etməyə söz tapa bilmirəm. Bu böyük xeyirxahlığa görə ömrüm boyu ona minnətdaram.
Əməkdar jurnalist Flora Xəlilova
da sevinənlərdən
biridir:
- Bu, artıq ənənə şəklini alır. İki ildən sonra daha böyük jurnalist heyəti gözəl mənzillərlə təmin olunacaq. Dövlət başçısına hədsiz-hüdudsuz minnətdaram! Ev alanlar içərisində adımı eşidərkən çox xoşbəxt idim.
Tale mənə ağır məcburi köçkün həyatı qismət edib. Hələ tələbə olarkən valideynlərim dünən işğal tarixinin 20 ilini qeyd etdiyimiz Ağdamdan didərgin düşüb. Universiteti bitirdiyim gündən evsizliyin bütün məhrumiyyətlərindən keçən jurnalistlərdən biriyəm. Uzun illər nə vaxtsa evim olacağını ağlıma belə gətirmədən kirayədə yaşadım, evdən-evə köçdüm. Cənab İlham Əliyev bu müqəddəs ramazan ayında 156 jurnalisti və bütün Azərbaycan mətbuatını misilsiz mərhəməti ilə sevindirdi! Bu, nəinki minlərlə insanın qəlbində, qəzetimizdə, hətta uca Tanrının dərgahında da alqışlanan nəcib əməldir!
Çay süfrəsi ətrafında davam edən söhbətdə Azərbaycan mətbuatının keçdiyi şərəfli yoldan və sağlam ənənələrindən, son dövrlər isə ölkəmizdə azad mətbuatın inkişafı üçün hər cür şərait yaradıldığından danışıldı. Qeyd olundu ki, son illər KİV-in sayı xeyli artmışdır, çünki mətbuatın inkişafı üçün lazımi şərait yaradılıb. Lakin azad mətbuat insanın şərəf və layaqətini alçaltmaq, təhqir etmək demək deyil! Bunu hər bir mətbuat nümayəndəsi bilməlidir.
Çıxış
edən əməkdaşlar əlamətdar gün münasibətilə
ev alan iş yoldaşlarımızı ürəkdən təbrik
edib sevinclərini bölüşdürdülər. Baş redaktor Bəxtiyar Sadıqov hamını bir daha bayram
münasibətilə təbrik etdi, onlara geniş oxucu kütləsi, yaradıcılıq
uğurları, ev almış həmkarlarımıza
yeni mənzillərində xoşbəxt bir ömür
yaşamalarını arzuladı. Qeyd olundu ki, Azərbaycan Prezidenti İlham
Əliyevin həyata keçirdiyi siyasətin qarşısında duran ən başlıca məqsəd ölkəmizin
yeniləşməsi, modernləşməsidir. Bu proses həyatımızın
bütün sferalarını əhatə
etməyi nəzərdə tutur. Azərbaycan
mətbuatı və "Azərbaycan" qəzeti də bu inkişaf prosesində
yaxından iştirak etməlidir. Çünki Azərbaycanın
dünyadakı rolu nə qədər artarsa, bu, hər bir vətəndaşın, həm də jurnalistin qürur mənbəyidir.
Sonda
redaksiyanın bütün kollektivi dövlət
başçısı cənab İlham Əliyevə sonsuz təşəkkür
və minnətdarlığını bildirən məktub
ünvanlamağı, bu humanist və alicənab insana sonsuz
sevincini çatdırmağı yekdilliklə qərara
aldı.
Rəsmiyyə
QARAYEVA,
Azərbaycan.-2013.- 24 iyul.- S.3.