Azərbaycan ilə Litva arasında hərbi sahədə əməkdaşlığın perspektivləri müzakirə olunmuşdur

Bakıda rəsmi səfərdə olan Litva Respublikasının xarici işlər naziri Linas Linkyaviçyus martın 6-da Azərbaycan Respublikasının müdafiə naziri, general-polkovnik Səfər Əbiyevlə görüşmüşdür.

Müdafiə Nazirliyinin mətbuat xidmətindən AzərTAc-a bildirmişlər ki, görüşdə ölkələrimiz arasında dostluq münasibətlərinin inkişaf etdirilməsinin zəruriliyi qeyd olunmuşdur. Hərbi əməkdaşlıq sahəsində əldə edilən nəticələrin daha da möhkəmləndirilməsi barədə də ətraflı fikir mübadiləsi aparılmışdır.

Görüşdə Azərbaycanın Vilnüsdəki və Litvanın Bakıdakı səfirləri iştirak etmişlər.

Azərbaycan.-2013.- 7 mart.- S.1.