ABŞ-ın İndiana ştatı Azərbaycan Respublikası ilə əməkdaşlığa dair qətnamə qəbul etmişdir

ABŞ-ın İndiana ştatının Baş Assambleyası Azərbaycan ilə Birləşmiş Ştatlar arasında əməkdaşlığa dair qətnamə qəbul etmişdir. Qətnamənin mətnində Azərbaycanın müstəqillik əldə etdikdən sonra 21 il ərzində ABŞ-ın həm regional, həm də qlobal arenada önəmli strateji əməkdaşına çevrilməsindən, ölkəmizdə 100-dən artıq Amerika şirkətinin uğurlu fəaliyyətindən bəhs edilir. Həmçinin Azərbaycanın Şərqi Avropada ABŞ-ın ən önəmli müttəfiqlərindən biri olduğu, NATO-nun Əfqanıstanda apardığı terrorizmə qarşı mübarizə əməliyyatlarında bu ölkənin sadiq dəstəkçisi olduğu bildirilir. Xatırladaq ki, son zamanlar Azərbaycan ilə ABŞ arasında əməkdaşlığa dair bir neçə qətnamə qəbul edilmişdir.

Yusif BABANLI,

AzərTAc

Vaşinqton

Azərbaycan.-2013.- 8 mart.- S.7.