Azərbaycan Prezidenti İlham Əliyev Monteneqro parlamentinin sədri Ranko Krivokapiç ilə görüşmüşdür

Azərbaycan Prezidenti İlham Əliyevin Monteneqroya rəsmi səfəri

Martın 12-də Monteneqroya rəsmi səfəri çərçivəsində Azərbaycan Prezidenti İlham Əliyev "Villa Qoritsa" dövlət iqamətgahında parlamentin sədri Ranko Krivokapiç ilə görüşmüşdür.

Görüşdə ölkələrimiz arasında əlaqələrin müxtəlif sahələrdə inkişafından məmnunluq ifadə olundu. Bu səfərin Azərbaycan ilə Monteneqro arasında gələcək əməkdaşlığın inkişafı baxımından əhəmiyyəti vurğulandı. Parlamentlərarası əlaqələrin, həmçinin dostluq qruplarının ikitərəfli münasibətlərin inkişafındakı rolu qeyd edildi.

Həmçinin görüşdə ölkələrimizin beynəlxalq təşkilatlar çərçivəsində fəal əməkdaşlığı üçün yaxşı imkanların olduğu bildirildi.

AzərTAc

Azərbaycan.-2013.- 13 mart.- S.3.