Azərbaycan Prezidenti İlham Əliyevin Monteneqronun Baş naziri Milo Dukanoviç ilə görüşü olmuşdur

Azərbaycan Prezidenti İlham Əliyevin Monteneqroya rəsmi səfəri

Azərbaycan Prezidenti İlham Əliyev martın 12-də Monteneqroya rəsmi səfəri çərçivəsində bu ölkənin Baş naziri Milo Dukanoviç ilə görüşmüşdür.

Görüşdə Azərbaycan ilə Monteneqro arasında iqtisadi sahədə əməkdaşlığın inkişafı üçün yaxşı imkanların olduğu bildirildi.

Azərbaycan Prezidenti İlham Əliyevin bu səfərinin iqtisadi əlaqələrimizin perspektivlərinin müəyyənləşdirilməsi baxımından əhəmiyyəti qeyd edildi. Azərbaycanın Monteneqroya investisiya yatırmasının önəmi diqqətə çatdırıldı.

Monteneqro ilə Azərbaycan arasında turizm, infrastruktur, nəqliyyat, bank sistemi və digər sahələrdə əməkdaşlığın genişləndirilməsi üçün yaxşı potensialın olduğunun bildirildiyi görüşdə iqtisadi əlaqələrin bundan sonra da inkişaf etdiriləcəyinə əminlik ifadə olundu.

AzərTAc

Azərbaycan.-2013.- 13 mart.- S.3.