Səhiyyə naziri Astara şəhərində
vətəndaşları qəbul etmişdir
Azərbaycan Respublikasının Prezidenti İlham Əliyevin tapşırığına əsasən səhiyyə naziri Oqtay Şirəliyev mayın 3-də Astara Mərkəzi Rayon Xəstəxanasında vətəndaşları qəbul etmişdir.
AzərTAc xəbər verir ki, qəbulda Astara, Lənkəran, Lerik, Masallı, Yardımlı, Cəlilabad, Biləsuvar və Cəbrayıl rayonlarının sakinləri iştirak etmişlər.
Qəbul zamanı müraciətlərin bir çoxu yerindəcə həllini tapmış, digər məsələlərin həlli ilə bağlı müvafiq qurumların rəhbərlərinə tapşırıqlar verilmişdir.
Vətəndaşların
qəbulu başa çatdıqdan sonra nazir Oqtay Şirəliyev
Astara Rayon Mərkəzi Xəstəxanasının ikimərtəbəli
poliklinika şöbəsində əsaslı təmir işlərinin
gedişi ilə maraqlanmışdır.
Azərbaycan.-2013.- 4 may.- S.10.