Azərbaycan Respublikasının Cinayət Məcəlləsində dəyişikliklər edilməsi haqqında

Azərbaycan Respublikasının Qanunu

Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 17-ci bəndini rəhbər tutaraq qərara alır:

Azərbaycan Respublikasının Cinayət Məcəlləsində (Azərbaycan Respublikasının Qanunvericilik Toplusu, 2000, «4, II kitab, maddə 251, «5, maddə 323, «12, maddə 835; 2001, «1, maddə 24, «7, maddə 455; 2002, «1, maddə 9, «5, maddələr 236, 248, 258, «6, maddə 326, «8, maddə 465; 2003, «6, maddələr 276, 279, «8, maddələr 424, 425, «12, I kitab, maddə 676; 2004, «1, maddə 10, «4, maddə 200, «5, maddə 321, «8, maddə 598, «10, maddə 762, «11, maddə 900; 2005, «1, maddə 3, «6, maddə 462, «7, maddə 575, «10, maddə 904, «11, maddə 994; 2006, «2, maddələr 71, 72, 75, «5, maddə 390, «12, maddələr 1008, 1020, 1028; 2007, «2, maddə 68, «5, maddə 398, «6, maddələr 560, 562, 579, «8, maddə 757, «10, maddələr 937, 941, «11, maddələr 1049, 1080, 1090, «12, maddə 1221; 2008, «6, maddələr 454, 461, «7, maddə 602, «10, maddə 884, «12, maddələr 1047, 1049; 2009, «5, maddə 315, «7, maddə 517, «12, maddə 953; 2010, «2, maddə 70, «3, maddələr 171, 178, «4, maddələr 275, 276, «7, maddə 591; 2011, «4, maddə 253, «6, maddə 472, «7, maddələr 587, 601, 621, «11, maddə 980, «12, maddə 1093; 2012, «2, maddə 45, «3, maddələr 193, 196, «7, maddələr 666, 669, 673; «11, maddə 1068; «12, maddə 1223; Azərbaycan Respublikasının 2012-ci il 11 dekabr tarixli 495-IVQD və 28 dekabr tarixli 541-IVQD nömrəli qanunları) aşağıdakı dəyişikliklər edilsin:

1. 99-4.6-cı maddədə "144-2," rəqəmindən sonra "144-3," rəqəmi əlavə edilsin.

2. 144-1-ci maddə üzrə:

2.1. 144-1.1-ci maddədə "şəxsin alğı-satqısı və ya ona sahibliklə əlaqədar digər əqdlərin bağlanması, yaxud onun istismar edilməsi məqsədilə Azərbaycan Respublikasının dövlət sərhədindən keçirilməsi üçün və ya eyni məqsədlə digər şəxslərə verilməsi üçün" sözləri "zor tətbiq etmək hədəsi ilə və ya zor tətbiq etməklə, hədə-qorxu və ya digər məcburetmə vasitələri ilə, oğurlama, dələduzluq, aldatma yolu ilə, təsir imkanlarından və ya zəiflik vəziyyətindən sui-istifadə etməklə, yaxud digər şəxsə nəzarət edən şəxsin razılığının alınması üçün maddi və sair nemətlər, imtiyazlar və ya güzəştlər verməklə və ya almaqla, şəxsin istismar edilməsi məqsədi ilə" sözləri ilə əvəz edilsin;

2.2. aşağıdakı məzmunda 144-1.2.4-1-ci maddə əlavə edilsin:

"144-1.2.4-1. insan alveri qurbanını Azərbaycan Respublikasının dövlət sərhədindən keçirməklə törədildikdə;";

2.3. "Qeyd" hissəsinə aşağıdakı məzmunda 3-cü bənd əlavə edilsin:

"3. Yetkinlik yaşına çatmayan şəxsin istismar məqsədi ilə cəlb edilməsi, əldə edilməsi, saxlanılması, gizlədilməsi, daşınması, verilməsi və ya qəbul edilməsi bu Məcəllənin 144-1.1-ci maddəsində göstərilən üsullardan istifadə olunmasa da, insan alveri hesab edilir.".

3. 144-2-ci maddə üzrə:

3.1. 144-2.1-ci maddədə "iki ilədək müddətə islah işləri və ya eyni" sözləri "dörd ildən səkkiz ilədək" sözləri ilə əvəz edilsin;

3.2. 144-2.2-ci maddədə "üç ildən beş ilədək" sözləri "yeddi ildən on ilədək" sözləri ilə əvəz edilsin;

3.3. 144-2.3-cü maddədə "beş ildən on ilədək" sözləri "doqquz ildən on iki ilədək" sözləri ilə əvəz edilsin.

4. aşağıdakı məzmunda 144-3-cü maddə əlavə edilsin:

"Maddə 144-3. İnsan alveri məqsədi ilə sənədlərlə qanunsuz hərəkətlər

144-3.1. İnsan alveri məqsədi ilə şəxsin şəxsiyyət vəsiqəsinin, pasportunun və ya şəxsiyyətini təsdiq edən digər sənədinin, yaxud yol (sərhədkeçmə) sənədinin saxtalaşdırılması -

bir ildən üç ilədək müddətə azadlıqdan məhrum etmə ilə cəzalandırılır.

144-3.2. İnsan alveri məqsədi ilə insan alverçisini və ya insan alveri qurbanını saxta şəxsiyyət vəsiqəsi, pasport və ya şəxsiyyəti təsdiq edən digər sənəd, yaxud yol (sərhədkeçmə) sənədləri ilə təmin etmə -

bir ildən üç ilədək müddətə azadlıqdan məhrum etmə ilə cəzalandırılır.

144-3.3. İnsan alveri məqsədi ilə insan alverçisini və ya insan alveri qurbanını saxta şəxsiyyət vəsiqəsi, pasport və ya şəxsiyyəti təsdiq edən digər sənəd, yaxud yol (sərhədkeçmə) sənədləri ilə təmin etmək üçün belə sənədləri əldə etmə -

bir ildən üç ilədək müddətə azadlıqdan məhrum etmə ilə cəzalandırılır.

144-3.4. İnsan alveri məqsədi ilə hər hansı bir şəxsin şəxsiyyət vəsiqəsini, pasportunu və ya şəxsiyyətini təsdiq edən digər sənədini, yaxud yol (sərhədkeçmə) sənədini götürmə, saxlama, gizlətmə, zədələmə və ya məhvetmə -

iki ildən dörd ilədək müddətə azadlıqdan məhrum etmə ilə cəzalandırılır."

5. 243.1-ci maddə üzrə:

5.1. dispozisiyada "Zor tətbiq etməklə və ya zor tətbiq etmək hədəsi ilə, şantajla, əmlakı məhv etməklə və ya zədələməklə, yaxud aldatmaqla, gəlir" sözləri "Gəlir" sözü ilə əvəz edilsin;

5.2. sanksiyada "beş yüz manatdan min manatadək" sözləri "iki min beş yüz manatdan üç min beş yüz manatadək" sözləri ilə əvəz edilsin, "üç ilədək" sözlərindən əvvəl isə "bir ildən" sözləri əlavə edilsin.

İlham ƏLİYEV,

Azərbaycan Respublikasının Prezidenti

Bakı şəhəri, 19 aprel 2013-cü il

Azərbaycan.-2013.- 9 may.- S.2.