Salam YUSRİ: YARAT! Müasir İncəsənət Məkanının təşkilatçılığı ilə Bakıda reallaşdırdığım layihənin maraqlı cəhəti ondadır ki, musiqi sahəsində qeyri-peşəkar adamlar təxminən bir həftədə birgə işləmək bacarığına yiyələnirlər

"YARAT!" Müasir İncəsənət Məkanının dəvəti ilə Bakıya gəldim və ustad dərsləri keçdim. Bu dərslərin nəticəsi olaraq "Xor" layihəsinə 12 nəfər azərbaycanlı qatılmışdır.

AzərTAc xəbər verir ki, bu sözləri "YARAT!" Müasir İncəsənət Məkanının "İNDİ" layihəsi çərçivəsində keçirilən növbəti art-gecədə jurnalistlərə müsahibəsində gənc misirli musiqiçi və rəssam Salam Yusri demişdir.

Qonaq bildirmişdir ki, "Xor" haqqında ideya Qahirədə yaranmış, daha sonra böyük uğurla İsgəndəriyyədə, Əmmanda, Beyrutda, Londonda, Münxendə, Berlində, Parisdə və İstanbulda həyata keçirilmişdir. Layihənin maraqlı cəhəti ondadır ki, musiqi sahəsində qeyri-peşəkar adamlar təxminən bir həftə ünsiyyətdə olurlar, birgə işləmək bacarığına yiyələnirlər. Həmçinin burada heç də ənənəvi başa düşülən xor nəzərdə tutulmur. Heç kəs notla oxumur, heç kəs klassik mənada anlaşılan musiqiçi deyildir. Bunlar qrup şəklində işləyərək fikir və hisslərini musiqi və improvizə vasitəsilə ifadə etmək arzusunda olanlardır. Bakıda mayın 2-dən başlayaraq keçirilən ustad dərsləri zamanı bir-birini tanıyan insanlar

 

 

Azərbaycan.-2013.- 11 may.- S.11.