Avropa Şurası Parlament Assambleyasının prezidenti Azərbaycana səfərə gəlmişdir

Avropa Şurası Parlament Assambleyasının (AŞ PA) prezidenti Jan-Klod Minyon mayın 25-də Azərbaycana səfərə gəlmişdir.

AzərTAc xəbər verir ki, Heydər Əliyev Beynəlxalq Aeroportunda qonağı Milli Məclis Sədrinin birinci müavini Ziyafət Əsgərov və digər rəsmi şəxslər qarşılamışlar.

Səfərin məqsədi Azərbaycan ilə AŞ PA arasında müxtəlif sahələrdə əlaqələrin inkişafına dair məsləhətləşmələr aparmaqdır.

Səfər çərçivəsində AŞ PA-nın prezidentinin Milli Məclisdə, Xarici İşlər Nazirliyində bir sıra görüşləri nəzərdə tutulmuşdur.

Azərbaycan.- 2013.- 26 may.- S. 2.