Şəhidlərin xatirəsinə ehtiram

Belarus Prezidenti Aleksandr Lukaşenkonun Azərbaycana rəsmi səfəri

Belarus Respublikasının Prezidenti Aleksandr Lukaşenko Azərbaycan Respublikasına rəsmi səfəri çərçivəsində noyabrın 20-də Şəhidlər xiyabanını ziyarət etmişdir.

Burada Belarus Respublikasının Prezidenti şərəfinə fəxri qarovul dəstəsi düzülmüşdü.

Belarus Respublikasının Prezidenti və nümayəndə heyətinin üzvləri Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarlarını ziyarət etdilər.

Prezident Aleksandr Lukaşenko "Əbədi məşəl" abidəsinin önünə əklil qoydu.

Müdafiə Nazirliyinin əlahiddə nümunəvi orkestrinin ifasında Belarusun və Azərbaycanın dövlət himnləri səsləndi.

AIi qonağa Şəhidlər xiyabanının tarixi və paytaxtımızda görülən abadlıq-quruculuq işləri barədə məlumat verildi.

Belarus Respublikasının Prezidenti Aleksandr Lukaşenko Azərbaycan paytaxtının mənzərəsini seyr etdi.

AzərTAc

Azərbaycan.-2013.- 21 noyabr.- S.2.