Qazax Rayon Məhkəməsinin hakimi və sədri İ.Q.Nuriyevin

səlahiyyətlərinə vaxtından əvvəl xitam verilməsi haqqında

Azərbaycan Respublikası Prezidentinin Sərəncamı

Azərbaycan Respublikası Konstitusiyasının 109-cu maddəsinin 32-ci bəndini, habelə "Məhkəmələr və hakimlər haqqında" Azərbaycan Respublikası Qanununun 113-cü və 114-cü maddələrini rəhbər tutaraq qərara alıram:

Qanunvericiliyin tələblərini dəfələrlə kobudcasına pozduğuna görə Qazax Rayon Məhkəməsinin hakimi və sədri İlham Qubad oğlu Nuriyevin səlahiyyətlərinə vaxtından əvvəl xitam verilsin.

İlham ƏLİYEV,

Azərbaycan Respublikasının Prezidenti

Bakı şəhəri, 4 oktyabr 2013-cü il

Azərbaycan.-2013.- 5 oktyabr.- S.3.