Fransanın «OpinionWay» Tədqiqat İnstitutunun üzvləri prezident

seçkiləri ilə əlaqədar keçirdikləri exit-pollun nəticələrini açıqlamışlar

Exit-pollun nəticələrinə görə, İlham Əliyev 82,8 faiz səslə birinci olmuşdur

Fransanın "OpinionWay" Tədqiqat İnstitutunun üzvləri oktyabrın 9-da Azərbaycanda prezident seçkiləri ilə əlaqədar keçirdikləri exit-pollun nəticələrini açıqlamışlar.

AzərTAc xəbər verir ki, "OpinionWay" Tədqiqat İnstitutu 64 dairə üzrə 99 məntəqədə exit-poll keçirmişdir. Səs vermiş 4701 seçici exit-polla cəlb olunmuşdur. Exit-pollda iştirak edən seçicilərin anonimliyi təmin edilmişdir.

İnstitutun apardığı exit-pollun nəticələrinə görə İqbal Ağazadə 1,7 faiz, İlham Əliyev 82,8 faiz, Araz Əlizadə 0,5 faiz, Hafiz Hacıyev 0,4 faiz, Cəmil Həsənli 9,3 faiz, Qüdrət Həsənquliyev 2,9 faiz, İlyas İsmayılov 0,5 faiz, Sərdar Məmmədov 0,6 faiz, Zahid Oruc 0,7 faiz, Fərəc Quliyev 0,6 faiz səs toplamışlar.

Azərbaycan.-2013.- 10 oktyabr.- S.4.